काठमाडौं । नेपालमा पहिलोपटक आयोजना गरिएको ‘काठमाडौं हरर फिल्म फेष्टिभल’ सम्पन्न भएको छ । आइतबार साँझ कमलपोखरीस्थित रसियन कल्चरल सेन्टरमा तीनदिन लामो चलेको महोत्सवमा विश्वका विभिन्न देशका चलचित्रकर्मी र दर्शकलाई एकै छातामुनि ल्याउँदै डर, कला र कथनको अद्भूत संगम प्रस्तुत गरिएको थियो ।
नेपाल फिल्म तथा सांस्कृतिक प्रतिष्ठानद्वारा आयोजित यो फेष्टिभलले हरूर चलचित्रलाई कला र संस्कृतिको अभिव्यक्ति स्वरूप प्रस्तुत गरिएको थियो । जहाँ रुस, इण्डोनेशिया, भारत, मेक्सिको, बंगलादेश र नेपालका चलचित्रहरू समेटिएको यस कार्यक्रममा नेपाली सिनेमाको नयाँ अध्यायको सुरुवात भएको आयोजकले जनाएको छ ।
प्रतिष्ठानका उपाध्यक्ष शिव पुरीले चलचित्रलाई माध्यम बनाएर संस्कृति, सन्देश र सिर्जनशीलतालाई जोड्ने उद्देश्य रहेको बताउँदै उत्सवले त्यो लक्ष्यतर्फको ढोका खोलेको प्रष्ट पार्नुभयो ।
रूसी चलचित्र ‘शामन’ देखाउँदै फेस्टिभलको ओपनिङ गरिएको थियो भने समापनमा नेपालको ‘द रिचुअल’सहित बंगलादेशको चलचित्र ‘फोरिनर्स अनली’ देखाइएको थियो । निर्देशक नुहास हुमायुनको यस बंगलादेशी चलचित्रले समाजमा हुने विभेद र मानव संघर्षको कथा भन्छ । यसै चलचित्रका लागि हुमायुनले उत्कृष्ट युवा चलचित्रको पुरस्कारसमेत जित्नुभयो ।
यसवर्षको महोत्सवमा विभिन्न देशका २५ चलचित्र प्रदर्शन भएका थिए । जसमध्ये इण्डोनेशियाको हरूर, थ्रिलर फिल्म ‘लेबिनेक’ सर्वश्रेष्ठ फिचर फिल्म घोषित भयो । त्यस्तै, सर्वश्रेष्ठ छोटो फिल्मको अवार्ड भने मेक्सिकोको फिल्म ‘अ इयर अफ म्यारिज’ ले पाउन सफल भयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर