काठमाडौं । कृषि विकास बैंकले किसान तथा कृषि उद्यमीलाई लक्षित गर्दै कृषि कर्जामा सहुलियत ब्याजदर योजना लागू गरेको छ । बैंकका अनुसार अब कृषकले कृषि कर्जामा ६.४९ प्रतिशत ब्याजदरमा ऋण पाउनेछन् । आधारदर ५.४९ प्रतिशतमा अतिरिक्त एक प्रतिशत प्रिमियम जोडेर नयाँ ब्याजदर निर्धारण गरिएको बैंकले जनाएको छ ।
बैंकका अनुसार ‘स्वर्णिम अवसर’ अभियानअन्तर्गत ल्याइएको नयाँ योजनामार्फत् दुग्ध उत्पादन, फलफूल, तरकारी, खाद्यान्न बाली तथा अन्य कृषि उद्यममा संलग्न किसानले सहज र न्यून ब्याजदरमा ऋण लिन सक्ने व्यवस्था गरिएको छ । बैंकले नयाँ योजना किसानलाई आत्मनिर्भर, व्यवसायमुखी र उत्पादक बनाउन सहयोगी हुने विश्वास व्यक्त गरेको छ ।
यसैबीच कृषि विकास बैंकले लाभांश पनि घोषणा गरेको छ । बैंक सञ्चालक समितिको बुधबार बसेको बैठकले हाल कायम चुक्ता पुँजीको १३ प्रतिशत लाभांश वितरण गर्ने घोषणा गरेको हो ।
उक्त लाभांशमध्ये ३.२५ प्रतिशत बोनस सेयर र कर प्रयोजनसहित ९.७५ प्रतिशत नगद लाभांश रहेको छ । बैंकले हाल कायम भएको अग्राधिकार सेयर पुँजीमा समेत वार्षिक छ प्रतिशतले हुन आउने नगद लाभांश वितरण गर्ने निर्णयसमेत गरेको छ । नेपाल राष्ट्र बैंकबाट स्वीकृत भई आगामी वार्षिक साधारणसभाले पारित गरेपछि उक्त लाभांश वितरण हुने बताइएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर