काठमाडौं । साहित्यकार गणेशप्रसाद नेपालको निधन भएको छ । उहाँको उपचारका क्रममा यही कात्तिक १९ गते मनमोहन अस्पताल, काठमाडौंमा निधन भएको हो । भोजपुर जिल्लाको भोटेछाप गाउँमा विसं. २००१ साउन २१ गते शुक्रबार बाबु प्रसिद्ध पण्डित गंगाप्रसाद नेपाल र आमा हेमगंगा नेपालका चार सन्तानमध्ये जेठा छोराका रूपमा उहाँ जन्मनुभएको थियो ।
पिताजी गंगाप्रसाद साधुसन्तको संगत गर्ने, जान्ने गुरुको खोजी गर्दै हिँड्ने, घरपरिवार व्यवहारको वास्ता नगर्ने भएकाले उहाँले सानैदेखि घर व्यवहार धान्नुपर्यो । तैपनि सम्पूर्णानन्द विश्वविद्यालय, वनारस, भारतबाट फलित ज्योतिष विषयमा शास्त्री (स्नातक) सम्मको अध्ययन गर्नुभएको थियो । स्नातकोत्तर पढ्ने र क्याम्पस पढाउने उहाँको इच्छा पूरा हुन सकेन । तर, उहाँले उप-प्रशिक्षकका रुपमा पिण्डेश्वर क्याम्पस, धरानमा पठनपाठन गराउनुभयो । उहाँले २०२८ सालदेखि २०७१ सालसम्म भोजपुर र झापाका विभिन्न विद्यालयमा नेपाली विषय पढाउनुभयो । उहाँ आयुर्वेदका जानकारसमेत हुनुहुन्थ्यो । विविध जडीबुटीको पहिचान र कुन रोगमा के काम लाग्छ, त्यसको ज्ञान राख्नुहुन्थ्यो । उहाँका तीन प्रकाशित कृतिहरू–परदेशको व्यथा (२०७२), बाँच्नुको एउटा जीवन (२०७७) र समयका कविता (२०८०) छन् ।
यही पुस महिनामा विमोचन गर्ने तयारीमा थियो अर्को कृति ‘गुणीको गाना (नीतिकाव्य)’ । उहाँले साहित्य सिर्जना २०२१/२२ देखि गर्नुभएको तर २०७१ मा सेवानिवृत्त भएपछि सक्रिय हुनुभयो । रामलीला नाटकमा अभिनय तथा निर्देशन गरी प्रदर्शन गरेर उठेको पैसाले खोलामा पुल हाल्ने सामाजिक कार्यसमेत गर्नुभएको थियो । उहाँका दुई छोरा, तीन छोरी र धर्मपत्नी सीता नेपाल हुनुहुन्छ । पाँच सन्तानमध्ये कान्छो छोरो डा. रत्नमणि नेपाल नेपाली साहित्यको लीलावादी धारका प्रखर विद्वान् हुनुहुन्छ भने कान्छी छोरी कविता नेपाल नाटककार तथा निर्देशन क्षेत्रमा प्रखर हुनुहुन्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
झापामा पुँजीगत खर्च ५१ प्रतिशत
कालीकोटको पलाँता अस्पतालभित्रै डाक्टर र
सर्वोच्चको आदेशले वैशाख ४ को
प्राकृतिक, ऐतिहासिक र शाहसिक पर्यटनको
ललितपुरमा ‘हरित उत्सव : परिवर्तनका
ओमानमा नेपाली उत्पादनको बजार विस्तार