नयाँदिल्ली । चौथो टी-२० अन्तर्राष्ट्रिय खेलमा भारतले अष्ट्रेलियालाई ४८ रनले पराजित गरेको छ । यो अष्ट्रेलियामाथि भारतको दोस्रो ठूलो टी-२० अन्तर्राष्ट्रिय जित हो । यसअघिको रेकर्ड ७३ रनको थियो, जुन भारतले २०१४ मा मिरपुरमा बनाएको थियो । यो घरेलु मैदानमा अष्ट्रेलियाविरुद्ध भारतको सबैभन्दा ठूलो जित पनि हो । यसअघिको रेकर्ड ३७ रनको थियो, जुन भारतले २०१६ मा एडिलेडमा बनाएको थियो ।
चौथो टी-२० अन्तर्राष्ट्रिय खेल गोल्ड कोस्टमा खेलिएको थियो। १६८ रनको लक्ष्य पछ्याउँदै अष्ट्रेलिया १८.२ ओभरमा ११९ रनमा अलआउट भयो । वासिंटन सुन्दरले ३ रनमा ३ विकेट लिँदा अक्षर पटेल र शिवम दुबेले २-२ विकेट लिनुभयो ।
टस हारेर ब्याटिङ गरेपछि भारतले २० ओभरमा ८ विकेट गुमाएर १६७ रन बनाएको थियो । शुभमन गिलले सर्वाधिक ४६ रन बनाउँदा अभिषेक शर्मासँग ५६ रनको ओपनिङ साझेदारी गर्नुभयो ।
कप्तान सूर्यकुमार यादव २० र शिवम दुबे २२ रनमा आउट हुनुभयो । अष्ट्रेलियाका नाथन एलिस र एडम जाम्पाले तीन-तीन विकेट लिनुभयो । जेभियर बार्टलेट र मार्कस स्टोइनिसले एक-एक विकेट लिनुभयो ।
यससँगै वाशिंगटन सुन्दरले टी-२० अन्तर्राष्ट्रियमा ५० विकेट पूरा गर्नुभयो । जसप्रीत बुमराहले ९९ विकेट पूरा गर्नुभयो । यो जितसँगै, भारतले पाँच खेलको टी-२० शृङ्खलामा २-१ को अग्रता लिएको छ । शृंखलाको पहिलो खेल बराबरीमा सकिएको थियो । एजेन्सी
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
सुदर्शन थापाको निर्देशनमा ‘शुभ विवाह’
‘ककाकिकी’ पार्श्व गायनमा अर्जुनको डेब्यु
‘ए मेरो हजुर-५’को शुभमुहूर्त, बडीमालिका
गान्तोकमा नेपथ्यको पहिलो सांगीतिक प्रस्तुति
‘लोकल हिरो’मा अरुण क्षेत्री
‘रोड टु एभरेस्ट’को ट्रेलर सार्वजनिक