विश्वास, माया र मित्रता -यी तीन शब्द मानवीय सम्बन्धका आधार हुन्। तर जब यही विश्वास भाँचिन्छ, त्यो केवल सम्बन्धको अन्त्य होइन, आत्माको मृत्यु हो। आज धेरै हृदयहरूमा एउटै आवाज गुञ्जिन्छ - “घात पनि यति गर्नु साथी…”।
यस वाक्यभित्र छ, माया गरेको मान्छेकै हातबाट पाएको घाउ,
र त्यही पीडामा लुकेको आत्ममन्थन।
आजको पुस्ता भावनाभन्दा बढी आवेगमा बाँच्दैछ। सम्बन्धहरू अब क्षणिक बनेका छन् -
सामाजिक सञ्जालमा सुरु हुने ‘च्याट’ले कहिलेकाहीँ जीवन नै बिगार्छ।
माया पनि अब बजारको वस्तु झैँ बनेको छ,
जहाँ भावना होइन, स्वार्थको लेनदेन हुन्छ।
कसैले पैसा, कसैले अवसर, र कसैले आफ्नै छवि निर्माणका लागि
अरूको विश्वास बेच्दछ।
त्यसपछि बाँकी रहन्छ केवल मौनता, र त्यो मौनता नै
सबैभन्दा ठूलो प्रतिरोध बन्छ।
धोका खाने मान्छे प्रायः मौन रहन्छ।
तर त्यो मौनता कमजोरी होइन -
त्यो पीडाबाट जन्मिएको शक्ति हो।
समयले त्यो मौनतालाई आवाज बनाउँछ,
र त्यो आवाजले धोका दिनेहरूको मुखौटा च्यातिदिन्छ।
विश्वासघात केवल व्यक्तिगत अपराध होइन,
यो समाजको नैतिक पतनको संकेत पनि हो।
जब माया बेचिन्छ र विश्वास तोडिन्छ,
त्यो समाजमा आत्मा मर्छ, केवल शरीर बाँच्छ।
माया अब लाइक, कमेन्ट र स्टोरीको विषय बनेको छ,
जहाँ सत्य भावना भन्दा प्रदर्शन ठूलो हुन्छ।
त्यसैले आज आवश्यकता छ -
विश्वास र निष्ठाको पुनर्जागरणको।
हामीले सिक्नुपर्छ, माया निभाउनु साहस हो,
धोका दिनु कायरता हो।
सम्बन्ध टुटे पनि मूल्य नटुटोस्,
किनभने विश्वास हराएको ठाउँमा
कसरी मानवता बाँच्छ र?
अन्ततः -
“घात पनि यति गर्नु साथी…” भन्ने वाक्य
केवल एक व्यक्तिको पीडा होइन,
हाम्रो पुस्ताको चेतावनी हो।
विश्वास बेचेर खुशी खोज्नेहरूलाई
इतिहासले कहिल्यै माफ गर्दैन।
यो खबर पढेर तपाईलाई कस्तो महसुस भयो ?
2
Like
Like
2
Love
Love
2
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच