हेटौंडा । मकवानपुर जिल्लाको बकैया गाउँपालिका–३ हात्तिसुडेस्थित मदन भण्डारी लोकमार्गमा भएको सडक दुर्घटनामा एक जना पैदल यात्रीको मृत्यु भएको छ।
जिल्ला प्रहरी कार्यालय मकवानपुरका अनुसार मंगलबार साँझ करिब ५:५० बजे हेटौंडाबाट फापरबारीतर्फ जाँदै गरेको बा ५८ प ३३१८ नम्बरको मोटरसाइकलले सडक किनारमा हिँडिरहेका ७१ वर्षीय खडक बहादुर घलानलाई ठक्कर दिएको थियो। ठक्करबाट गम्भीर घाइते भएका घलानलाई स्थानीयले उपचारका लागि चुरेहिल अस्पताल हेटौंडा पुर्याएका थिए। तर, ७:४५ बजे उपचारको क्रममा चिकित्सकले मृत घोषणा गरेका हुन्।
मोटरसाइकल चालक २५ वर्षीय देवराज बिक र पछाडि सवार २० वर्षीय देवराज धानुकी (बागमती गाउँपालिका–६) दुवैको दाहिने खुट्टा र हातमा सामान्य चोट लागेको र उनीहरूको उपचार हात्तिसुडे मेडिकलमा गरी डिस्चार्ज गरिएको प्रहरीले जनाएको छ।
दुर्घटनामा संलग्न मोटरसाइकल र चालकलाई प्रहरीले नियन्त्रणमा लिएर थप अनुसन्धानका लागि जिल्ला प्रहरी कार्यालय मकवानपुर ल्याइएको जानकारी दिइएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर