लाहोर । पाकिस्तानका स्टार ब्याट्सम्यान बाबर आजमले अन्ततः अर्को शतक बनाउनुभएको छ । उहाँले ८०७ दिनको खडेरी समाप्त गर्दै ३३ इनिङपछि उहाँले एकदिवसीयमा अन्तर्राष्ट्रिय क्रिकेटमा शतक बनाउनुभएको हो । बाबरले शुक्रबार रावलपिण्डीमा श्रीलंकाविरुद्धको दोस्रो एकदिवसीयमा ११९ बलमा अविजित १०२ रन बनाउनुभयो । आजमको शतकले पाकिस्तानलाई १० बल बाँकी छँदा श्रीलंकालाई आठ विकेटले हराउन मद्दत ग¥यो । पाकिस्तानले तीन खेलको शृंखलामा २-० को अग्रता लिएर शृंखला जितेको छ ।
बाबरले आफ्नो शतकको खडेरी समाप्त गर्न पूर्वभारतीय कप्तान विराट कोहलीको उपलब्धि दोहोर्याउनुभयो । कोहलीले २०१९ देखि २०२२ सम्म शतक बनाउनुभएको थिएन । पूर्वभारतीय कप्तानले ८३ इनिङपछि आफ्नो अन्तर्राष्ट्रिय शतक बनाउनुभएको थियो । २०२२ को एसिया कपमा अफगानिस्तानविरुद्धको टी-२० खेलमा उहाँले आफ्नो शतकको खडेरी समाप्त गर्नुभएको थियो ।
बाबरले पाकिस्तानमा आफ्नो आठौं एकदिवसीय शतक बनाउनुभयो । उहाँ पाकिस्तानी भूमिमा सबैभन्दा धेरै एकदिवसीय शतक बनाउने घरेलु क्रिकेटर बन्नुभयो । उहाँले मोहम्मद युसुफ (सात शतक) को रेकर्ड तोड्नुभयो । बाबरले आफ्नो करियरमा २० औँ एकदिवसीय शतक पनि बनाउनुभयो । उहाँ पाकिस्तानका लागि संयुक्तरूपमा सर्वाधिक एकदिवसीय शतक बनाउने खेलाडी बन्नुभयो ।
बाबरले आफ्नो शतकका क्रममा दुई दिग्गज पाकिस्तानी क्रिकेटरहरूको रेकर्ड तोड्नुभएको छ । बाबर सबैभन्दा कम इनिङमा ३२ अन्तर्राष्ट्रिय शतक बनाउने तेस्रो ब्याट्सम्यान बन्नुभएको छ । बाबरले १३६ इनिङमा ३२ शतक पूरा गर्नुभयो । यस सन्दर्भमा उहाँ दक्षिण अफ्रिकी पूर्वकप्तान हाशिम अमला (१०८) र पूर्वभारतीय कप्तान विराट कोहली (१३३) भन्दा पछि हुनुहुन्छ । एजेन्सी
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर