एमाले महाधिवेशन : पोखरेल समूहको भेलामा के भयो? अन्तर–संवादका झलक (फोटो फिचर)

हिमालय टाइम्स

Monday December 8, 2025

हिमालय टाइम्स

Monday December 8, 2025

Read Time = 5 mins

डिजिटल संस्करण

फोटोफिचर

A A- A+

काठमाडौं । नेकपा (एमाले) को ११ औं राष्ट्रिय महाधिवेशनको सन्दर्भमा एमालेका उपाध्यक्ष सुरेन्द्र पाण्डे, सचिव योगेश भट्टराई सहित पदाधिकारीहरुले एमाले बिटका संवाददाताहरुसँग अन्तर संवाद गर्नुभएको छ।

सोमबार बरिष्ठ उपाध्यक्ष ईश्वर पोखरेलको समूहले आयोजना गरिएको अन्तर संवाद कार्यक्रममा बोल्दै उपाध्यक्ष सुरेन्द्र पाण्डेले एमालेका अध्यक्ष केपी ओलीले पार्टीको महाधिवेशनलाई पञ्चायती व्यवस्थाको गाउँ फर्क शैलीमा गर्न लागेको आरोप लगाउनुभयो ।

उहाँकाअनुसार २०३२ सालमा पंचायती व्यवस्थामा गाउँ फर्क लागू भएपछि गाउँ फर्कले जसलाई टिकट दिन्छ, सोही व्यक्ति मात्रै पञ्च भएर निर्वाचन लड्न पाउँथे । सोही व्यवस्थलाई ओलीले अहिले पार्टीमा लागू गर्नुभएको उहाँको आरोप छ । उहाँले ओली अध्यक्षमा निर्वाचित भएपछि पार्टीको लोकतान्त्रिक प्रक्रियामै गम्भीर संकट आएको बताउनु भयो । वर्तमान नेतृत्वले आन्तरिक निर्वाचन प्रणालीलाई सिमित व्यक्तिमुखी बनाउने प्रयास गरिरहेको दाबी गर्नुभयो ।

पाण्डेले केपी ओलीकै नेतृत्वमा ७० वर्षे उमेरहद र दुई पटकभन्दा पार्टीको नेतृत्व गर्न नपाउने व्यवस्था गरिएको स्मरण गर्नुभयो । आठौँ महाधिवेशनमा सर्वसम्मत रूपमा पारित गरिएको लोकतान्त्रिक नेतृत्व विधि पछि ९ औँसम्म चलेको उहाँको भनाई छ । १० औँ महाधिवेशनमा भने पहिला सूचि पास गर्ने र सूचिमा रहेका मात्र उम्मेदवार बन्न पाउने भन्ने प्रावधान ल्याइएको र ११ औँ महाधिवेशनमा पनि त्यही प्रक्रिया दोहोर्‍याउन खोजेको आरोप लगाउनु भयो । नेताले चिनेका व्यक्तिलाई मात्र उम्मेदवारी दिने सोचाइले पार्टीभित्रको आन्तरिक लोकतन्त्र समाप्त हुने उहाँले बताउनु भयो ।

पार्टीभित्र आन्तरिक लोकतन्त्र बलियो नहुदा नवपुस्ता र जनतामाझ एमाले खुम्चिदै गएको उल्लेख गर्नुभयो । नेतृत्व चयनमा प्रतिस्पर्धा नहुने र माथिबाट तोकिएको लिष्टमा नेतृत्व चयन हुने प्रचलनमा आएपछि पार्टीप्रति आकर्षण घटिरहेको उहाँको दाबी छ । चुनाव नहुने, प्रतिष्पर्धा नहुने, माथिबाट लिष्ट बेचिने पार्टीमा किन आउने ? भन्ने प्रश्न नवपुस्ताले उठाउन थालेको उहाँले बताउनु भयो ।