सर्लाही । सर्लाहीसहित तराईका जिल्लाका अधिकांश चिनी मिल पुस पहिलो सातादेखि संचालनमा आउने भएका छन् ।
प्रत्येक चिनी उद्योगमा अहिले मिलका उपकरण मर्मत, परीक्षण र कामदार जुटाउनेसहितका तयारीको काम जारी रहेको छ । सरकारले उखुको मुल्य तोकिसकेकाले चिनी उद्योगले पनि अब धमाधम मिल सञ्चालन गरेर उखु क्रसिङ गर्ने अर्थात् पेल्ने काम सुरु गर्ने तयारी गरेका हुन् ।
सर्लाहीमा तीनवटा चिनी उद्योगमध्ये इन्दुशङ्कर चिनी उद्योग हरिवन र महालक्ष्मी चिनी उद्योग बगदहले मिल संचालन गर्नुअघि गरिने डोङ्गा पूजा गरिसकेका छन् । महालक्ष्मी चिनी उद्योगका प्रशासकीय प्रमुख शिवशङ्कर महतोले पुस पहिलो साताभित्र मिल संचालन गर्ने गरी तयारी भइरहेको जानकारी दिनुभयो ।
उहाँका अनुसार महालक्ष्मीले यो वर्ष २० देखि २२ लाख क्विन्टल उखु क्रसिङ गर्ने लक्ष्य लिएको छ । महालक्ष्मीले गएको वर्ष १३ लाख ८१ हजार क्विन्टल उखु क्रसिङ गरेको थियो ।
मङ्सिर १४ गते नै डोङ्गा पूजा गरेको इन्दुशङ्कर चिनी उद्योग हरिवन पनि पुस लागेपछि मात्रै संचालनको तयारी रहेको छ । इन्दुशङ्कर चिनी उद्योगका उखु प्रवन्धक योगनारायण रजकले यो वर्ष ३५ लाख क्विन्टल उखु क्रसिङ गर्ने लक्ष्यसहित मिल संचालनको अन्तिम तयारी भइरहेको बताउनु भयो ।
इन्दुशङ्करले गएको वर्ष ३० लाख ४० हजार क्विन्टल उखु क्रसिङ गरेको थियो । अन्नपूर्ण चिनी उद्योग धनकौलका संचालक शैलेन्द्र गुप्ताले अन्य उद्योग भन्दा दुईरचार दिन ढिलो गरी उद्योग संचालन हुने बताउनु भयो ।
उद्योगमा डोङ्गा पूजा भने आज शुक्रबार गर्न लागिएको उद्योगपति गुप्ताले बताए । केही साताअघि उखु किसानले पुरानो बक्यौता रकम माग गर्दै अन्नपूर्ण चिनी उद्योगविरुद्ध आन्दोलन नै गरेका थिए ।
गएको सोमबार बसेको मन्त्रिपरिषद्को बैठकले उखुको मुल्य प्रतिक्विन्टल उद्योगीले ६२० रुपियाँ र सरकारले अनुदान बापत ७० रुपियाँ उपलब्ध गराउने निर्णय गरेको थियो । सरकारले एक पक्षीय रुपमा मुल्य निर्धारण गरेको गुनासो गरिरहेका किसानले अब सोही मुल्यलाई नै स्वीकार गरेर उखु काट्ने तयारी गरेका छन् ।
नेपाल उखु उत्पादक महासङ्घका कार्यवाहक अध्यक्ष श्यामबाबु रायले गएको वर्षको बाँकी ३५ रुपियाँ भुक्तानीको माग भने उठाइरहने बताए । किसानलाई बारम्बार आन्दोलन गर्न बाध्य पारेर थकित बनाएपछि सरकारले आफू खुसी मुल्य निर्धारण गरेकाले स्वीकार गर्नुपर्ने बाध्यता आएको उखु उत्पादक महासङ्घका कार्यवाहक अध्यक्ष रायको भनाइ छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच