काठमाडौं । ज्योति विकास बैंकले ऋणीहरूबाट आफ्ना कर्मचारीहरूमाथि भएको आक्रमणको निन्दा गरेको छ । बैंकको रूपनी शाखाका ऋणी सप्तकोशी इन्टिग्रेटेड एग्रो फर्म प्रालिका सञ्चालक ऋणीहरूले कर्जा किस्ता नियमित गर्ने सम्बन्धमा छलफल गर्न भनी संवादका लागि टेलिफोनबाट कुराकानी भएबमोजिम बैंकको क्षेत्रीय कार्यालय बर्दिबासका दुईजना कर्मचारी कर्जाको किस्ता नियमित गर्ने सम्बन्धमा ऋणीसँग छलफल गर्न गएकोमा कर्मचारीलाई फर्म रहेको स्थानमा ऋणी प्रालिका सञ्चालक, निजका परिवारका सदस्य तथा सहयोगीहरूले छलफलका लागि खटाइएका कर्मचारी नियन्त्रणमा लिई नियोजितरूपमा दुव्र्यवहार गर्दै ज्यान मार्ने उद्देश्यले आक्रमण गरी गम्भीर आपराधिक घटना घटाइएकोमा बैंकले उक्त घटनाको घोर निन्दा र भत्र्सना गरेको छ ।
उक्त बैंकका अनुसार आपराधिक मनोवृत्तिले सुनियोजित ढंगबाट घण्टौंसम्म आफ्नो नियन्त्रणमा लिई बहालवाला उपमेयरसमेतको संलग्नतामा भएको घटना अत्यन्त खेदजनक रहेको छ ।
साथै, कर्मचारी नियन्त्रणमा लिई धितो लिलामी स्थगनको निर्णय लिखितरूपमा तत्काल केन्द्रीय कार्यालयबाट पत्र उपलब्ध नगराएमा ज्यान लिने धम्की दिएको अवस्थामा सुरक्षा निकायबाट कुनै सहयोग नपाएपछि बैंकलाई विकल्पविहीन अवस्थामा उक्त पत्र लेख्न बाध्य बनाइएको भन्दै बैंकले घटनामा संलग्नहरूमाथि कडा कारबाहीको मागसमेत गरेको छ ।
त्यसैगरी बैंक तथा वित्तीय संस्था परिसंघ नेपाल(सिबिफिन)ले पनि उक्त घटनाको निन्दा गर्दै दोषीमाथि कारबाहीका लागि सम्बन्धित निकायलाई ध्यानाकर्षण गराएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिहारको मन्दिरमा भागदौड मच्चिँदा ७
स्कुटर दुर्घटनामा युवकको मृत्यु
बेलायत निर्मित ड्रोन रुसी भूभागमा
मकवानपुरमा स्कारपियो दुर्घटना : मुख्य
प्रतिनिधिसभा बैठक सुरु, चार मन्त्रीले
स्पष्ट ऊर्जा नीतिको अभावमा देश