एजेन्सी । स्पेनिस ला लिगा क्लब एफसी बार्सिलोनाले कोपा डेल रेको पहिलो चरणमा तेस्रो डिभिजनको क्लब गुअडालाजारालाई २-० ले पराजित गर्दै अन्तिम १६ मा स्थान सुरक्षित गरेको छ । मंगलबार राती सम्पन्न खेलमा अपेक्षाकृत कमजोर प्रतिद्वन्द्वीविरुद्ध बार्सिलोनाले धैर्यपूर्ण प्रदर्शन गर्दै दोस्रो हाफमा दुई गोल गर्दै जित हात पारेको हो ।
खेलको पहिलो हाफमा बार्सिलोनाले बलमा नियन्त्रण राखे पनि गोल गर्न भने संघर्ष गर्नुपर्यो । गुअडालाजाराले रक्षात्मक रणनीति अपनाउँदै बार्सिलोनाका आक्रमणलाई रोक्ने प्रयास गर्यो । बार्सिलोनाका युवा तथा वैकल्पिक खेलाडीहरूले केही अवसर सिर्जना गरे पनि ती अवसरहरूलाई गोलमा परिणत गर्न सकेनन् । पहिलो हाफ गोलरहित बराबरीमा समाप्त भयो ।
दोस्रो हाफमा भने बार्सिलोनाले खेलको लय परिवर्तन गर्यो । निरन्तर दबाब सिर्जना गरेको बार्सिलोनाले ७६औँ मिनेटमा अग्रता लियो । डिफेन्डर आन्द्रेस क्रिष्टेनसनले सेट-पिसको अवसरमा उत्कृष्ट हेडरमार्फत् गोल गर्दै टोलीलाई १-० को अग्रता दिलाउनुभयो । यस गोलपछि गुअडालाजाराको प्रतिरोध कमजोर हुँदै गयो ।
खेलको अन्तिम समयमा बार्सिलोनाले अर्को गोल थप्दै जित सुनिश्चित गर्यो । इन्जुरी समय नजिकिँदै गर्दा ९०औँ मिनेटमा मार्कुस रसफोर्डले व्यक्तिगत कौशल प्रदर्शन गर्दै गोल गर्नुभएको हो । रसफोर्डको यो गोलले बार्सिलोनाको जितलाई २-० मा सुरक्षित बनायो । यस खेलमा बार्सिलोनाका मुख्य खेलाडीहरूलाई प्रशिक्षक ह्यान्सी फ्लिकले विश्राम दिनुभएको थियो । राफिन्हा, रोबर्ट लेवान्डोस्की र फेरान टोरेसजस्ता नियमित स्टार खेलाडीहरूलाई बेन्चमै राखिएको थियो । त्यसका बाबजुद टोलीले नियन्त्रणपूर्ण खेल प्रदर्शन गर्दै अपेक्षित नतिजा निकाल्न सफल भयो ।
खेलको अर्को सकारात्मक पक्ष भनेको गोलकिपर मार्क आन्द्रे टेर स्टेगेनको कमब्याक हो । लामो समयपछि मैदानमा फर्किनुभएका टेर स्टेगेनले केही महत्वपूर्ण सेभ गर्दै टोलीको क्लिन सिट कायम राख्न योगदान दिनुभयो । उहाँको पुनरागमनले आगामी चरणहरूमा बार्सिलोनाको आत्मविश्वास थप बलियो बनाउने अपेक्षा गरिएको छ ।
यस जितसँगै बार्सिलोनाले कोपा डेल रेमा आफ्नो अभियानलाई अगाडि बढाएको छ । युवा तथा वैकल्पिक खेलाडीहरूलाई अवसर दिँदा पनि नतिजा निकाल्न सफल हुनु प्रशिक्षक फ्लिकका लागि सकारात्मक संकेत मानिएको छ । अब बार्सिलोना अन्तिम १६ को खेलतर्फ ध्यान केन्द्रित गर्दै उपाधि यात्रालाई निरन्तरता दिने तयारीमा जुट्नेछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बाजुरामा खोलाले बगाउँदा किशोर बेपत्ता
उखु बेचेको छ महिना बित्दा
अमेरिकी सेनाद्वारा थप पाँच इरानी
हिंसात्मक घटनाका दोषीलाई कारबाही गर्न
नेपालले अन्तर्राष्ट्रिय मञ्चमा सशक्त आवाज
रसुवा बाढीमा मृत्यु हुनेकाे संख्या