हेटौंडा । कुलेखानी–काठमाडौं सडकखण्डमा चल्ने सवारी साधनका केही चालकहरूले लागूऔषध सेवन गरी सवारी चलाइरहेको तथ्य संयुक्त चेकजाँचका क्रममा बाहिर आएको छ।
मंगलबार भीमफेदी अस्पतालका चिकित्सक प्रविण पाठकको नेतृत्वमा गरिएको पिसाब परीक्षणमा १ सय ११ जना चालक मध्ये ११ जनाले लागूऔषध सेवन गरेको पुष्टि भएको हो। जिल्ला ट्राफिक प्रहरी कार्यालय मकवानपुर, इलाका प्रहरी कार्यालय भीमफेदी, जिल्ला जनस्वास्थ्य कार्यालय हेटौंडा र सवारी यान्त्रिक परीक्षण कार्यालय हेटौंडाको सहकार्यमा चेकजाँच गरिएको थियो।
इलाका प्रहरी कार्यालय भीमफेदीका प्रहरी निरीक्षक सन्त श्रेष्ठका अनुसार लागूऔषध सेवन गर्ने ११ जना मध्ये ९ जना सार्वजनिक यातायातका चालक रहेका छन्। तीमध्ये ६ जना टाटा सुमो चालक र ३ जना विद्युतीय सवारी (ईभी) चालक हुन्। बाँकी दुई जना फलफूल र माछा बोक्ने सवारी साधनका चालक रहेको प्रहरीले जनाएको छ।
पहाडी क्षेत्रको घुमाउरो र साँघुरो सडकमा दुर्घटनाको जोखिम बढ्दै गएपछि चालक र सवारी साधनको नियमित परीक्षण सुरु गरिएको ट्राफिक प्रहरीले जनाएको छ। गत पुस २० गते भीमफेदी गाउँपालिका–६ जुरिखेतमा काठमाडौंबाट हेटौंडातर्फ आउँदै गरेको टाटा सुमो दुर्घटना हुँदा ६ जनाको ज्यान गएको थियो भने ३ जना घाइते भएका थिए।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच