काठमाडौं । नेपाली क्रिकेट टोलीले आइसिसी टी-२० विश्वकपमा ऐतिहासिक स्थान सुरक्षित गरेसँगै देशभर क्रिकेटप्रतिको उत्साह बढेको छ । सोही राष्ट्रिय उपलब्धिलाई उत्सवका रूपमा मनाउँदै नेपालको अग्रणी डिजिटल वालेट ‘खल्ती’ ले नयाँ ग्राहक केन्द्रित अभियान ‘खल्ती चलाऊँ, वर्ल्ड कप जाऊँ’ सार्वजनिक गरेको छ । अभियानमार्फत् कम्पनीले प्रयोगकर्तामध्ये एक जोडीलाई सम्पूर्ण खर्चसहित प्रत्यक्ष रंगशालामै बसेर टी-२० विश्वकप हेर्ने अवसर प्रदान गर्नेछ । अभियान नेपाली क्रिकेटप्रतिको जनउत्साहलाई प्रविधिसँग जोड्दै प्रयोगकर्तालाई फरक र रोमाञ्चक अनुभव दिने उद्देश्यसाथ ल्याइएको कम्पनीले जनाएको छ ।
अभियानलाई थप आकर्षक बनाउन खल्तीले ‘गेमिफाइड’ अवधारणामा आधारित सहभागिता प्रणाली प्रस्तुत गरेको छ । खल्ती एपमार्फत् मान्य कारोबार गर्दा प्रयोगकर्ताले डिजिटल स्क्र्याच कार्ड प्राप्त गर्नेछन्, जसमा नेपाली राष्ट्रिय क्रिकेट टोलीका ११ खेलाडीमध्ये कुनै एक खेलाडीको कार्ड हुनेछ । बम्पर उपहारको लक्की ड्रमा सहभागी हुन प्रयोगकर्ताले ११ वटै फरक खेलाडी कार्ड संकलन गरी सेट पूरा गर्नुपर्नेछ । अभियान अवधिभर प्रयोगकर्ताले निश्चित पुरस्कारः २, ५, ७ र ११ युनिक खेलाडी कार्ड संकलन गर्दा आकर्षक प्रोमोकोडहरू प्राप्त गर्ने बताइएको छ ।
पाक्षिक पुरस्कारअन्तर्गत पाँच युनिक कार्ड संकलन गर्ने प्रयोगकर्तामध्येबाट हरेक १४ दिनमा एक जनाले अनर एक्स ९ डी स्मार्टफोन, बम्पर पुरस्कारअन्तर्गत ११ वटै कार्ड संकलन गर्ने प्रयोगकर्तामध्येबाट एक भाग्यशाली जोडीले विश्वकपको पूर्ण प्रायोजित यात्रा प्राप्त गर्न सक्ने कम्पनीले जनाएको छ । खल्तीका प्रमुख कार्यकारी अधिकृत प्रवीण रेग्मीले भन्नुभयो, ‘टी-२० विश्वकपमा नेपालको छनोट सम्पूर्ण नेपालीका लागि गर्वको विषय हो, अभियानमार्फत् हामी केवल अफरमात्र होइन, प्रयोगकर्तालाई इतिहासको साक्षी बन्ने अवसर दिइरहेका छौं । खल्ती प्रयोगकर्तालाई रंगशालामै पुर्याएर राइनोजको ऐतिहासिक यात्रा प्रत्यक्ष देखाउने अवसर पाउनु हाम्रा लागि उत्साहको विषय हो ।’ अभियान फागुन ११ गतेसम्म लागू हुने बताइएको छ । खल्ती प्रयोगकर्ता युटिलिटी बिल भुक्तानी, मोबाइल टप-अप तथा अन्य दैनिक डिजिटल कारोबारहरू खल्ती एपमार्फत् गरी योजनामा सहभागी हुन सक्ने पनि कम्पनीले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर