एजेन्सी । सन् २०२५ मा ब्राजिलको औद्योगिक उत्पादनमात्र ०.६ प्रतिशतले वृद्धि भएको छ । यो जानकारी साओ पाउलो राज्यको उद्योग महासंघले सार्वजनिक गरेको प्रतिवेदनमा उल्लेख गरिएको छ । दक्षिण अमेरिकाको सबैभन्दा ठूलो उद्योग संगठनका अनुसार अमेरिकी भन्सार कर र वार्षिक १५ प्रतिशतको उच्च आधार ब्याजदरका कारण ब्राजिलको उद्योग क्षेत्र निरन्तर दबाबमा परेको छ ।
महासंघले सरकारद्वारा लागू गरिएको कडा मौद्रिक नीति र बाह्य व्यापारिक दबाबले उद्योग क्षेत्रमा दोहोरो असर पारेको चेतावनी दिएको छ । यी कारणले उत्पादन सीमित हुनुका साथै निर्यात गतिविधिसमेत कमजोर बनेको जनाइएको छ । मंगलबार सार्वजनिक तथ्यांक अनुसार सन् २०२५ को दोस्रो ६ महिनाको अवधिमा अमेरिकातर्फको निर्यात ८.६ प्रतिशतले घटेको छ ।
यस्ता चुनौती समाधान गर्न उद्योग महासंघले श्रमिक वर्गका लागि आयकर छुट, आवास कार्यक्रमको विस्तार तथा निजी क्षेत्रका लागि कर्जा प्रवाह तीव्र बनाउने उपायहरू प्रस्ताव गरेको छ । महासंघले सन् २०२६ मा ब्राजिलको औद्योगिक क्षेत्र केवल ०.६ प्रतिशतले मात्र विस्तार हुने अनुमान गर्दै आगामी वर्ष पनि गम्भीर आर्थिक चुनौतीहरू कायम रहने जनाएको छ । रासस/सिन्ह्वा
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच