विराटनगर । नेपाली कांग्रेसका नेता डा शेखर कोइरालाले राष्ट्रियता, लोकतन्त्र र समाजवादलाई सुदृढ बनाउन सबै पक्ष एकताबद्ध हुन आवश्यक रहेको बताउनु भएको छ ।
नेपाली लेखक संघ मोरङले विराटनगरमा बुधबार आयोजना गरेको ‘जलाइएको निवास र बाँचेका विचार’ विषयक कविता वाचन कार्यक्रमलाई सम्बोधन गर्दै उनले वर्तमान परिस्थितीमा साझा लक्ष्यसहित अघि बढ्नुपर्नेमा जोड दिनुभयो । नेता कोइरालाले पछिल्लो समय लोकतन्त्रका आधारभूत मूल्य र मान्यताप्रति बेवास्ता बढ्दै गएको संकेत गर्दै कांग्रेसको विचार र सिद्धान्तप्रति पार्टी प्रतिबद्ध रहेको बताउनुभयो । ‘राष्ट्रियता, लोकतन्त्र र समाजवादप्रति हाम्रो अडान स्पष्ट छ,’ उहाँले भन्नुभयो, ‘यी मूल्यलाई आत्मसात गर्दै आउँदो निर्वाचनमा कांग्रेसलाई पुनः पहिलो दल बनाउनु आवश्यक छ ।’
जेनजी आन्दोलनका मागबारे टिप्पणी गर्दै डा कोइरालाले सुशासन, भ्रष्टाचारमुक्त समाज र रोजगारीका विषय आफूले विगतदेखि नै उठाउँदै आएको दाबी समेत गर्नुभयो । कोभिड महामारीका बेला नै स्थानीय तहमा ४० प्रतिशत, प्रदेशसभामा ३० प्रतिशत र केन्द्रमा २० प्रतिशत युवाको सहभागिता सुनिश्चित गर्नुपर्ने प्रस्ताव आफूले अघि सारेको उल्लेख गर्दै डा। कोइरालाले युवाको आवाजलाई कांग्रेसले निरन्तर उठाउँदै आएको बताउनुभयो ।
मुलुक निर्वाचनमय बनेको सन्दर्भमा उनले घरदैलो अभियानका क्रममा जनताको प्राथमिक चासो विकासमा केन्द्रित रहेको बताउनुभयो । ‘जनताले अब धेरै अपेक्षा गरेका छैनन्, उनीहरू प्रत्यक्ष देखिने विकास चाहन्छन्,’ उहाँले भन्नुभयो, ‘वडा तहमा जेन–जी वा प्रशासनभन्दा पनि विकास कसरी अघि बढाउने भन्ने विषयमा ध्यान केन्द्रित देखिन्छ ।’ विकासलाई सार्थक बनाउन सुशासन र भ्रष्टाचार नियन्त्रण अपरिहार्य रहेको नेता कोइरालाको भनाइ थियो ।
कार्यक्रममा लेखक समेत रहेका नेपाली कांग्रेसका युवा नेता सूर्यराज राई, प्राडा हरिहर भण्डारी र साहित्यकार सीमा आभासले बीपी कोइरालासँग जोडिएको साहित्यिक पक्षमाथि चर्चा गर्नु भएको थियो । कोशी प्रदेशसभाका पूर्वसदस्यसमेत रहेका राईले कोइराला परिवार, कांग्रेस र जनताबीचको ऐतिहासिक सम्बन्ध बारे धारणा राख्दै जेनजी आन्दोलनले विराटनगरस्थित कांग्रेसको धरोहर निवास जलाए पनि त्यहाँबाट उत्पन्न विचार अमर रहने बताउनुभयो ।
आयोजक समितिका अध्यक्ष दिङ्लाली कान्छोको अध्यक्षतामा भएको कार्यक्रममा अग्रज साहित्यकार समेत रहेका विराटनगर प्रज्ञा प्रतिष्ठानका अध्यक्ष विवश पोखरेल, चूडामणि नेपाल ‘अकिञ्चन’, जेनजी अर्पित कुँवर लगायतले वीपी कोइरालाले लेखेका कविता प्रस्तुत गर्नु भएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच