काठमाडौं । नेपाल ज्येष्ठ जनसमाजको अध्यक्षमा सर्जक नरेन्द्रबहादुर श्रेष्ठ निर्वाचित हुनुभएको छ । समाजको वार्षिक साधारणसभाबाट श्रेष्ठ सर्वसम्मत रूपमा अध्यक्षमा चयन हुनुभएको हो ।
समाजका निवर्तमान अध्यक्ष करुणा गोविन्द श्रेष्ठको अध्यक्षतामा सम्पन्न साधारणसभा संस्थापक सदस्य एवं पूर्वअध्यक्ष रामवदन जोशीको प्रमुख आतिथ्यतामा सम्पन्न भएको थियो । साधारणसभाले समाजको नयाँ कार्यसमिति चयन गरेको छ । जसअनुसार उपाध्यक्षमा गोपालप्रसाद दुलाल, सचिवमा सागरमणि लम्साल, सहसचिवमा नारायणप्रसाद खनाल र कोषाध्यक्षमा सरला प्रधान निर्वाचित हुनुभएको छ ।
यसैगरी कार्यसमिति सदस्यहरूमा डा.विमला श्रेष्ठ, वरुणप्रसाद वैद्य, शिला जोशी, प्राडा.खेम कोइराला बन्धु, राज्यलक्ष्मी नकर्मी, रुकमणि श्रेष्ठ र विनोदचन्द्र कर्माचार्य निर्वाचित हुनुभएको छ । निर्वाचन अधिकृतको जिम्मेवारी नातिकाजी महर्जनले निर्वाह गर्नुभएको थियो । नवनिर्वाचित कार्यसमितिको सल्लाहकारमा करुणा गोविन्द श्रेष्ठ, संस्थापक सदस्य रामवदन जोशी र नातिकाजी महर्जन रहनुभएको छ ।
ADVERTISEMENT
साधारणसभाले कोषाध्यक्ष सरला प्रधानद्वारा प्रस्तुत आर्थिक वर्ष २०८१/०८२ को वासलात सर्वसम्मत रूपमा पारित गरेको छ । कार्यक्रममा वरिष्ठ सीमाविद् बुद्धिनारायण श्रेष्ठले ज्येष्ठ नागरिकका समस्या र चुनौतीबारे मन्तव्य राख्नुभएको थियो ।
सो अवसरमा ८० वर्ष पूरा गरेका सदस्यहरू कुवेरप्रसाद अधिकारी, तुलसी मल्ल, कृष्णलक्ष्मी मल्ल र पूर्णमाया श्रेष्ठलाई दोसल्ला तथा प्रतीक चिह्नसहित ‘नेपाल ज्येष्ठ जनसम्मान’ प्रदान गरिएको थियो । सम्मान प्रमुख अतिथि रामवदन जोशीले प्रदान गर्नुभएको थियो ।
नेपाल ज्येष्ठ जनसमाजको स्थापना २०५३ सालको बुद्ध जयन्तीका अवसरमा ज्येष्ठ नागरिकको सेवा-सुश्रुषा, एक्लोपन न्यूनीकरण तथा शारीरिक, मानसिक र बौद्धिक विकासमा टेवा पुर्याउने उद्देश्यसहित गरिएको हो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
नाती मेरो साथी
राजनीतिक नेतृत्व अभिभावक बन्ने कि