नयाँदिल्ली । भारतीय पूर्वकप्तान विराट कोहली र रोहित शर्मालाई ‘बी’ श्रेणीमा राख्दै नयाँ खेलाडी वर्गीकरण गरिएको छ । गत अक्टोबर १ देखि सेप्टेम्बर ३० सम्मको अवधिलाई समेट्दै नयाँ खेलाडी वर्गीकरण गरिएको हो । भारतीय क्रिकेट नियन्त्रण बोर्ड (बिसिसिआई)ले जारी गरेको केन्द्रीय सम्झौतामा रहने नयाँ वर्गीकरणमा ३० खेलाडी अटाएका हुन् । अघिल्लो वर्ष सम्झौतामा ‘ए’ श्रेणीमा रहनुभएका मोहम्मद सामी तथा ‘सी’ श्रेणीमा रहनुभएका रजत पाटीदार, मुकेश कुमार र सरफराज खान सम्झौतामा अटाउनुभएको छैन ।
बिसिसिआईका अनुसार, शीर्ष श्रेणी ‘ए’ मा केवल तीन खेलाडीहरू समावेश छन् । भारतीय टेष्ट र एकदिवसीय कप्तान शुभमन गिल, फास्ट बलर जसप्रित बुमराह र अलराउण्डर रवीन्द्र जडेजा ‘ए’ श्रेणीमा अटाउनुभएको छ । नयाँ सम्झौता सूचीमा ‘ए’ प्लस श्रेणी भने समावेश गरिएको छैन । कोहली, रोहित, बुमराह र जडेजा उक्त श्रेणीमा रहनुभएका खेलाडी हुनुहुन्थ्यो ।
ADVERTISEMENT
गत वर्ष रोहितबाट टेष्ट र एकदिवसीय दुवै कप्तानीको जिम्मेवारी पाउनुभएका गिल सूचीमा सबैभन्दा ठूलो माथिल्लो ‘ए’ श्रेणीमा पहिलोपटक अटाउनुभएको हो । भारतीय टी–२० टोलीका कप्तान सूर्यकुमार यादव भने ‘बी’ श्रेणीमा रहनुभएको छ । यादवसहित ‘बी’ श्रेणीमा ११ खेलाडी समावेश रहेका छन् । भारतीय टोलीका उपकप्तान अक्षर पटेलसहित १६ खेलाडी ‘सी’ श्रेणीमा रहेका छन् । बिसिसिआईले केन्द्रीय सम्झौतामा अनुबन्धित खेलाडीको सेवा सुविधा भने उल्लेख गरेको छैन । एजेन्सी
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच