काठमाडौं । क्रिकेट एक्सिलेन्स सेन्टर (सिइसी)ले महावीर एथ्लेटिक्स सेन्टरलाई १३८ रनले पराजित गर्दै काठमाडौं जिल्लास्तरीय प्रधानमन्त्री कप क्रिकेट प्रतियोगिताको उपाधि जितेको छ । फाइनल खेलमा टस जितेर पहिले ब्याटिङ गरेको सिइसीले निर्धारित ५० ओभरमा नौ विकेट गुमाउँदै २२९ रनको प्रतिस्पर्धात्मक योगफल तयार पारेको थियो । २३० रनको लक्ष्य पछ्याएको महावीर २१.३ ओभरमै सबै विकेट गुमाउँदै ९१ रनमा समेटियो ।
सिइसीको जितमा वीरेन्द्र धनदीले सर्वाधिक ६६ रनको अर्धशतकीय इनिङ खेल्नुभयो । उहाँले टोलीको स्कोर उकास्न महत्वपूर्ण योगदान दिनुभयो । बुद्धिमान विष्टले ५९ बलमा ४४ रन जोड्दै मध्यमक्रम सम्हाल्नुभएको थियो । महावीरका लागि सोनु देवकोटाले चार विकेट लिनुभयो भने रिजन थापाले दुई विकेट हात पार्नुभयो ।
जवाफी ब्याटिङमा महावीरका प्रतिश जिसीले ४० बलमा सर्वाधिक ४७ रन बनाए पनि अन्य ब्याटर चल्न नसक्दा टोली ठूलो अन्तरले पराजित भयो । उत्तम थापामगरले ११ रन जोड्नुभएको थियो ।
सिइसीका तर्फबाट दयानन्द मण्डल ‘प्लेयर अफ दि म्याच’ घोषित हुनुभयो । उहाँले चार विकेट लिएर महावीरको ब्याटिङ धराशायी पार्नुभयो । मोनसान सिंहले तीन विकेट लिनुभयो ।
प्रतियोगिताको सर्वोत्कृष्ट खेलाडी सिइसीका कप्तान रीत गौतम घोषित हुनुभयो । उहाँले प्रतियोगिताभर तीन शतकसहित ४०७ रन बनाउनुभएको थियो । उपविजेता महावीरका सन्दीप पराजुली १४ विकेटसहित उत्कृष्ट बलर घोषित हुनुभयो भने सिइसीकै धिरज देउवा उदयीमान खेलाडी चुनिनुभयो । माघ १९ गतेदेखि सुरु भएको उक्त प्रतियोगितामा काठमाडौं जिल्लाका १८ टोलीको सहभागिता रहेको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर