काठमाडौं । यही फागुन ४ देखि ८ गतेसम्म काठमाडौंको त्रिपुरेश्वरस्थित राष्ट्रिय खेलकुद परिषद्को कभर्डहलमा चौथो माउण्ट एभरेष्ट अन्तर्राष्ट्रिय तेक्वान्दो प्रतियोगिता-२०२६ (डब्लु टिजी) र दोस्रो माउण्ट एभरेष्ट जिसिएस अन्तर्राष्ट्रिय पुम्से प्रतियोगिता-२०२६ (डब्लु टिजी) आयोजना हुने भएको छ । प्रतियोगितामा नेपालबाट दिलिप स्मृति तेक्वान्दो डोजाङका महिला-पुरुष गरी सात खेलाडी प्रतियोगितामा सहभागी हुने भएका छन् ।
डोजाङका प्रमुख प्रशिक्षक राजेन्द्र खत्रीले छनोट भएका खेलाडीहरूलाई नियमित प्रशिक्षणमार्फत् तयारी गराइरहनुभएको छ । प्रतियोगितामा नेपालतर्फ सुप्रिका गुरुङ ७४ केजी प्लस, आयुस कार्की जुनियर ७३ प्लस, किरण तामाङ माइनस ५९ केजी, करण ढोली ५५ केजी, उमेन्द्र ढोली ५१ केजी, समीर पटेल ५१ केजी र सिसम श्रेष्ठ ५४ केजी तौल समूहमा प्रतिस्पर्धा गर्नुहुनेछ ।
प्रतियोगितामा नेपालसहित २० भन्दा बढी देशका १५ सयभन्दा बढी महिला र पुरुष खेलाडी सहभागी हुने अनुमान गरिएको छ । यसअघि सन् २०११ र २०१३ मा काठमाडौं तथा सन् २०२२ मा पोखरामा यस प्रतियोगिताका अघिल्ला संस्करण सफलतापूर्वक सम्पन्न भइसकेका छन् । विश्व तेक्वान्दो महासंघबाट मान्यता प्राप्त यस डब्लु टिजी प्रतियोगितामा अन्तर्राष्ट्रिय मापदण्डअनुसार पूर्वाधार र व्यवस्थापन सुनिश्चित गरिएको आयोजकले जनाएको छ ।
ADVERTISEMENT
हालसम्म नेपालसहित भारत, पाकिस्तान, श्रीलंका, हङकङ, चिली, सिंगापुर, मोरक्को, केन्या, जापान, थाइल्याण्ड, पोर्चुगल, अष्ट्रेलिया र इजिप्टका खेलाडीहरू नाम दर्ता गरिसकेको आयोजकले जनाएको छ । प्रतियोगिता ग्योरोगी (फाइट) र पुम्से (फर्म) दुवै विधामा क्याडेट (१२-१४ वर्ष) देखि सिनियर (१८ वर्षमाथि) सम्मका उमेर तथा तौल समूहमा सञ्चालन हुनेछ । कुल ७४ स्वर्ण पदकका लागि खेल हुनेछ ।
साथै, ‘मिसन २६’ अन्तर्गत आगामी एसियाली खेलको तयारीमा रहेका नेपाली राष्ट्रिय खेलाडीहरूले पनि प्रतियोगितामा सहभागिता जनाउने आयोजकले जानकारी दिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच