एजेन्सी । ला लिगा फुटबलमा जिरोनासँग पराजित भएपछि बार्सिलोनाले शीर्ष स्थानमा फर्किने मौका गुमाएको छ । अग्रता जोगाउन नसक्दा बार्सिलोना जिरोनासँग २-१ ले पराजित भएको हो । यो हारसँगै बार्सिलोनाले शीर्ष स्थानमा उक्लिने अवसर गुमाएको छ । मोन्टिलभी रंगशालामा घरेलु टोली जिरोनालाई जित दिलाउन थोमस लेमर र फ्रान बेल्ट्रानले १–१ गोल गर्नुभयो । बार्सिलोनाका लागि पाउ क्युबर्सीले १ गोल गर्नुभयो । बार्सिलोनाका लामिन यामालले पेनाल्टीमा गोल गर्न नसक्दा टोलीलाई ठूलो घाटा भयो । पहिलो हाफमा दुवै टोलीले आक्रामक खेल खेलेका थिए । जिरोनाले खेलको पहिलो मिनेटमै राम्रो अवसर बनायो, तर बार्सिलोनाका गोलरक्षक जोआन गार्सियाले बचाउ गर्नुभयो ।
बार्सिलोनाले पनि धेरै अवसर पाएको थियो तर यामालले दुईपटक नजिकबाट गोल गर्न सक्नुभएन । पहिलो हाफको इन्जुरी समयमा उहाँले पाएको पेनाल्टी पनि पोस्टमा लागेर फर्किएको थियो । ५९औँ मिनेटमा बार्सिलोनाले अग्रता लिएको थियो । डिफेन्डर जुल्स काउन्डेको पासमा युवा डिफेन्डर पाउ कुबार्सीले हेडमार्फत् गोल गर्दै बार्सिलोनालाई अघि बढाउनुभयो । तर, बार्सिलोनाको अग्रता धेरै समय टिकेन । ६१औँ मिनेटमा जिरोनाका मिडफिल्डर थोमस लेमारले भ्लादिस्लाभ भानातको पासमा गोल गर्दै खेल १-१ को बराबरीमा ल्याउनुभयो । ८६औँ मिनेटमा जिरोनाका वैकल्पिक खेलाडी फ्रान बेल्ट्रानले निर्णायक गोल गर्नुभयो । त्यो गोल हुनुअघि जुल्स काउन्डेमाथि फाउल भएको भन्दै बार्सिलोनाले विरोध गरेको थियो । तर, भिएआर समीक्षापछि गोलले मान्यता पायो ।
इन्जुरी समयमा जिरोनाका वैकल्पिक खेलाडी जोएल रोकाले यामालमाथि खराब ट्याकल गरेपछि रातो कार्ड पाउनुभयो र जिरोना १० खेलाडीमा सीमित भयो । तर, त्यसपछि पनि बार्सिलोनाले बराबरी गोल गर्न सकेन । यो हारसँगै बार्सिलोना उपाधि दौडमा पछि परेको छ । अब बार्सिलोना आफ्नो मुख्य प्रतिद्वन्द्वी रियल म्याड्रिडभन्दा दुई अंकले पछि छ । बार्सिलोनाको यो लगातार दोस्रो हार हो । यसअघि कोपा डेल रेमा एट्लेटिको मड्रिडसँग ४–० ले पराजित भएको थियो । जिरोनाले तीन खेलपछिको जित निकालेको हो । यो जितसँगै जिरोना १२औँ स्थानमा पुगेको छ र रेलिगेसन क्षेत्रभन्दा पाँच अंकले माथि उक्लिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर