काठमाडौं । पहिलो दक्षिण एसियाली तेक्वान्दो प्रतियोगिता यसै वर्ष आयोजना गरिने भएको छ । दक्षिण एसियाली तेक्वान्दो युनियनको काठमाडौंमा बसेको बैठकले प्रथम दक्षिण एसियाली तेक्वान्दो प्रतियोगिता यही वर्ष भुटानको राजधानी थिम्पुमा आयोजना गर्ने निर्णय गरेको हो ।
काठमाडौंमा आयोजना भइरहेको चौथो माउण्ट एभरेष्ट अन्तर्राष्ट्रिय तेक्वान्दो प्रतियोगिता (डब्लुटी जी वान) तथा दोस्रो माउण्ट एभरेष्ट जिसिएस अन्तर्राष्ट्रिय पुम्से प्रतियोगिता (डब्लुटी जी वान) का अवसरमा सोमबार राती युनियनको बैठक बसेको थियो । युनियनका अध्यक्ष पाकिस्तानका उमर सइदको सभापतित्वमा भएको बैठकले भुटानको राजधानी थिम्पुमा प्रथम दक्षिण एसियाली तेक्वान्दो प्रतियोगिता र कार्यालय स्थापनालगायत विभिन्न निर्णय गरेको हो ।
ADVERTISEMENT
बैठकले सदस्य राष्ट्रबाट वार्षिक रूपमा अनुदान जम्मा गरी सहायता कोष स्थापना गर्ने, युनियनको लोगो तयार गर्ने, यसै वर्ष भुटानमा दक्षिण एसियाली तेक्वान्दो प्रतियोगिता आयोजना गर्ने, दक्षिण एसियाली क्षेत्रमा तेक्वान्दो खेलको विकास र विस्तारका लागि विभिन्न कार्यक्रमको आयोजना गर्ने, खेलाडीको हकहित र प्रशिक्षकको वृत्ति विकासका लागि विभिन्न कार्यक्रम सञ्चालन गर्नेलगायतका निर्णय गरेको छ ।
बैठकमा भारतीय तेक्वान्दो संघका अध्यक्ष नामदेव सिरगाउनकर, भुटान तेक्वान्दो महासंघका महासचिव योन्थेन थार्चेन, पाकिस्तान तेक्वान्दो संघका महासचिव नाजिमा रसुल र बंगलादेश तेक्वान्दो संघका प्रतिनिधिको उपस्थिति थियो । बैठकमा नेपालबाट नेपाल तेक्वान्दो संघका अध्यक्ष दीपराज गुरुङ, संघका सल्लाहकार परिषद्का अध्यक्ष प्रकाशशमशेर राणा, उपाध्यक्ष भानबहादुर चन्द, साम्राज्यविक्रम पाण्डे र महासचिव हेमन्त डाँगी सहभागी हुनुहुन्थ्यो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच