काठमाडौं । सूर्यज्योति लाइफ इन्योरेन्सले सुदूरपश्चिम प्रदेशमै पहिलो अन्तर्राष्ट्रिय पाँचतारे होटल निर्माणका लागि धनगढीस्थित क्लब चौलानी लिमिटेडमा २५ प्रतिशत सेयर लगानी सम्झौता गरेको छ । उक्त होटल अन्तर्राष्ट्रिय होटल समूह आइएचजी होटेल्स एण्ड रिसोर्ट्सअन्तर्गतको ‘होलिडे इन धनगढी’ ब्राण्डमा सञ्चालन हुने बताइएको छ । सम्झौतापछि क्लब चौलानीका अध्यक्ष डा. राजेन्द्र केसीले धनगढीमा अन्तर्राष्ट्रिय ब्राण्ड भित्र्याउन पाउनु महत्वपूर्ण उपलब्धि भएको भन्दै धनगढीलाई पश्चिम नेपालको व्यावसायिक तथा पर्यटन प्रवेशद्वार भएको बताउनुभयो । आइएचजीको अनुभव र गुणस्तर मापदण्डअनुसार अतिथिलाई विश्वस्तरीय सेवा दिने लक्ष्य रहेको पनि उहाँले बताउनुभयो ।
अध्यक्ष केसीका अनुसार, होटलमा अन्तर्राष्ट्रिय मापदण्डअनुसार पाँचवटा प्रिमियम सुइटसहित एक सय १५ आधुनिक अतिथि कक्ष रहनेछन् । करिब १८ हजार पाँच सय वर्गफुट क्षेत्रफलमा अत्याधुनिक क्यासिनो, सात सय जनासम्म अट्ने भव्य ब्यांक्वेट हल, रूफटप स्विमिङ पुल, बहुपरिकार रेष्टुरेन्ट, पूर्ण सुसज्जित फिटनेस सेन्टर, बैठक तथा सम्मेलन कक्ष र विशेष निजी भोजन सुविधा उपलब्ध गराइनेछ । कम्पनीका प्रमुख कार्यकारी अधिकृत प्रकाशविक्रम खत्रीका अनुसार, पर्यटन क्षेत्रको दीर्घकालीन सम्भावनालाई ध्यानमा राख्दै स्थिर प्रतिफल र क्षेत्रीय पूर्वाधार विकासमा योगदान गर्ने उद्देश्यले लगानी गरिएको हो । साझेदारीले कम्पनीको लगानी आधार बलियो बनाउनुका साथै पश्चिम नेपालमा गुणस्तरीय पर्यटन पूर्वाधार विस्तारमा सहयोग पुग्ने कम्पनीले विश्वास लिएको छ ।
कम्पनीका अनुसार, सूर्यज्योति लाइफ नेपालकै पहिलो आइएसओ ९००१-२०१५ प्रमाणित जीवन बीमा कम्पनी हो । कम्पनीको चुक्ता पुँजी पाँच अर्ब एक करोड रुपैयाँ रहेको छ । जीवन बीमा कोष ४६ अर्ब १७ करोड रुपैयाँ, कुल लगानी ५१ अर्ब २० करोड रुपैयाँ र नेटवर्थ छ अर्ब १८ करोड रुपैयाँ रहेको जनाएको छ । देशभर एक लाख सात हजारभन्दा बढी अभिकर्ता, ३६ लाख ३० हजार बीमालेख र एक सय ७६ शाखा सञ्जालमार्फत् कम्पनीले सेवा प्रदान गर्दै आएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर