भोजपुर । फागुन २१ गतेको प्रतिनिधिसभा सदस्य निर्वाचनका लागि मत बदर कम गराउन सञ्चालन गरिएको मतदाता शिक्षा कार्यक्रम अझै प्रभावकारी देखिएको छैन ।
एक मात्र निर्वाचन क्षेत्र रहेको भोजपुरमा प्रत्यक्ष र समानुपातिक तर्फ गरी छ हजार आठ सय ५५ मत बदर भएको छ । बिगतका तुलनामा बदर संख्या कम देखिएपनि अझै मतदाता शिक्षा प्रभावकारी नदेखिएको हो ।
जिल्लामा प्रत्यक्ष तर्फ एक लाख २५ हजार सात सय ६६ जना कुल मतदाता रहेकोमा ५७ हजार पाँच सय ९९ मत खसेको थियो । जसमा ५३ हजार सात सय २८ मत गणना भएको थियो भने तीन हजार आठ सय ७१ मत बदर भएको थियो ।
यस्तै समानुपातिक तर्फ एक लाख २८ हजार ७८ जना कुल मतदाता रहेकोमा ५८ हजार चार सय ७३ मत खसेको थियो । जसमा ५५ हजार चार सय ८९ मत गणना भएको थियो भने दुई हजार नौ सय ८४ मत बदर भएको जिल्ला निर्वाचन कार्यालय भोजपुरका प्रमुख डिकेन्द्र प्रसाद सुवेदीले जानकारी दिनुभयो ।
ADVERTISEMENT
बदर भएका मतहरु मध्ये एकभन्दा बढी चुनाव चिह्नमा मत संकेत गरिएको बढी पाइएको सुवेदीले बताउनुभयो । मतदाताले मतदान प्रक्रियाका बारेमा राम्ररी नबुझदा यस्तो अवस्था देखिएको हो ।
भोजपुरमा प्रत्यक्ष तर्फ श्रम संस्कृति पार्टीका उम्मेदवार ध्रुवराज राई १६ हजार छ सय ६३ मत प्राप्त गर्दै विजयी हुनु भएको थियो भने निकटतम प्रतिस्पर्धी एमालेका शेरधन राईले १४ हजार सात सय ५० मत प्राप्त गर्नु भएको थियो ।
समानुपातिक तर्फ पनि श्रम संस्कृति पार्टीले १६ हजार एक सय ५० मत ल्याएर पहिलो दल बनेको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
नाती मेरो साथी
राजनीतिक नेतृत्व अभिभावक बन्ने कि