काठमाडाैं । प्यालेस्टाइन रेड क्रिसेन्ट सोसाइटीकाअनुसार वेस्ट बैंकको तम्मुन शहरमा आईतवार बिहान इजरायली विशेष सुरक्षा बलले एउटा गाडीमा गोली चलाउँदा दुई बालबालिकासहित चार प्यालेस्टाइनीको मृत्यु भएको छ ।
एक प्रेस विज्ञप्तिमा रेड क्रिसेन्टले जनाएअनुसार गोली प्रहार भएको गाडीबाट उनीहरूका उद्धारकर्मीहरूले चारै जना मृतकको शव निकालेका थिए । स्थानीय स्रोतकाअनुसार मृतकहरू एउटै परिवारका थिए । स्रोतले थप जानकारी दिएअनुसार इजरायली विशेष बलले शहरको एक टोलमा दुई युवालाई पछ्याइरहेको थियो र त्यसपछि त्यहाँबाट गइरहेको गाडीमा गोली चलाएको थियो ।
तम्मुन शहर र नजिकैको शहर तुबासका अन्य क्षेत्रहरूमा इजरायली सेनाले लगभग दैनिक रूपमा छापा मारिरहेको छ । इजरायलले वेस्ट बैंकमा हुने यस्ता कारबाहीहरूलाई प्रायः प्यालेस्टाइनी सशस्त्र समूहहरूसँग सम्बन्धित व्यक्तिहरूलाई लक्षित गरिएको ‘आतंकवाद विरोधी अभियान’ को रूपमा वर्णन गर्ने गर्दछ ।
मध्य गाजामा प्रहरीको गाडीमा इजरायली हवाई आक्रमण, ८ जनाको मृत्यु
ADVERTISEMENT
मध्य गाजाको अल-जवायदा शहरको प्रवेशद्वार नजिकै प्रहरीको गाडीलाई लक्षित गरी गरिएको इजरायली हवाई आक्रमणमा आठ जनाको मृत्यु भएको गाजाको आन्तरिक मामिला अधिकारीहरूले बताएका छन् । स्थानीय स्रोतहरूकाअनुसार इजरायली ड्रोनले हमासद्वारा सञ्चालित आन्तरिक मामिला अधिकारीहरूको प्रहरी गाडीलाई लक्षित गरेको थियो । प्यालेस्टिनी चिकित्सा स्रोतहरूले बताएअनुसार यस हवाई आक्रमणमा वरपर रहेका अन्य धेरै व्यक्तिहरू पनि घाइते भएका छन् ।
प्रत्यक्षदर्शीहरूकाअनुसार आईतवार नै मध्य गाजाको नुसेरात शरणार्थी शिविरको पश्चिममा रहेको अल–सवरहा क्षेत्रमा प्यालेस्टिनीहरूको भेलामा इजरायली ड्रोनले कम्तीमा एउटा क्षेप्यास्त्र प्रहार गरेको थियो । शिविरमा रहेको अल–अवदा अस्पतालले उक्त आक्रमणमा एक पुरुष, उनकी पत्नी र उनीहरूका छोराको मृत्यु भएको जनाएको छ । गाजास्थित स्वास्थ्य अधिकारीहरूले आईतवार आफ्नो दैनिक अपडेटमा रिपोर्ट गरेअनुसार विगत २४ घण्टामा गाजा पट्टीका अस्पतालहरूमा पाँच जनाको शव र आठ जना घाइतेहरू आइपुगेका छन् ।
अधिकारीहरूकाअनुसार अक्टोबर २०२५ मा युद्धविराम लागू भएयता मृत्यु हुनेको सङ्ख्या ६ सय ६३ पुगेको छ भने १ हजार ७ सय ६२ जना घाइते भएका छन् । यससँगै अक्टोबर ७, २०२३ यता मृत्यु हुनेको कुल सङ्ख्या ७२ हजार २ सय ३९ र घाइते हुनेको सङ्ख्या १ लाख ७१ हजार ८ सय ६१ पुगेको छ ।
यो खबर पढेर तपाईलाई कस्तो महसुस भयो ?
0
Like
Like
2
Love
Love
1
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
नाती मेरो साथी
राजनीतिक नेतृत्व अभिभावक बन्ने कि