काठमाडौँ । राष्ट्रिय तथ्याङ्क कार्यालयले देशभरिका निजी स्वास्थ्य संस्था (अस्पताल)को विस्तृत सर्वेक्षण गर्ने तयारी गरेको छ।
कार्यालयका निर्देशक तीर्थराज बरालका अनुसार निजी स्वास्थ्य संस्थाले मुलुकको कुल गार्हस्थ उत्पादन (जीडीपी)मा कति योगदान पुर्याएका छन् भन्ने अध्ययन गर्न सर्वेक्षण सुरु गर्न लागिएको हो।
उहाँका अनुसार आगामी वैशाखदेखि असार मसान्तसम्म देशभरिका निजी तथा सामुदायिक अस्पतालमा गणकमार्फत तथ्याङ्क सङ्कलन गरिनेछ। हाल सर्वेक्षणका लागि आवश्यक कर्मचारी छनोटको प्रक्रिया भइरहेको र उनीहरूलाई तालिम दिएपछि अस्पतालहरूमा पठाइने बताइएको छ।
यस सर्वेक्षणमार्फत अस्पतालहरूको आर्थिक अवस्था, रोजगारी सिर्जना, सेवा विस्तारलगायतका महत्वपूर्ण तथ्याङ्क सङ्कलन गरिनेछ।
ADVERTISEMENT
कार्यालयले प्रत्येक १० वर्षमा यस्तो सर्वेक्षण गर्ने योजना भए पनि यसपटक केही ढिलाइ भएको निर्देशक बरालले उल्लेख गर्नुभयो। सन् २०१३ मा गरिएको सर्वेक्षणअनुसार निजी स्वास्थ्य संस्थाको जीडीपीमा योगदान एक प्रतिशतभन्दा कम रहेको थियो।
यसपटक भने देशभरका दुई हजार ५५१ अस्पतालमा सर्वेक्षण गर्ने तयारी गरिएको छ, जुन अघिल्लो सर्वेक्षणको तुलनामा धेरै व्यापक हुने जनाइएको छ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
नाती मेरो साथी
राजनीतिक नेतृत्व अभिभावक बन्ने कि