काठमाडौं । नवौं संस्करणको नेपाल अन्तर्राष्ट्रिय चलचित्र महोत्सव (निफ) का प्रि-इभेन्ट कार्यक्रमहरू सम्पन्न भएका छन् । गैरीधारास्थित कान्तिपुर थिएटरमा ‘सर्ट फिल्म साँझ’ शीर्षकको कार्यक्रम सम्पन्न भएसँगै निफको प्रि-इभेन्ट चरण पूरा भएको हो । कार्यक्रममा विभिन्न अन्तर्राष्ट्रिय चलचित्र महोत्सव तथा निफका अघिल्ला संस्करणमा पुरस्कृत सर्ट फिल्महरू ‘जुलुंगो’, ‘बेयर ट्री इन द मिस्ट’, ‘जुन्को’ र ‘चिसो घर’ प्रदर्शन गरिएका थिए ।
फिल्म प्रदर्शनपछि दर्शकका जिज्ञासाहरूको उत्तर सम्बन्धित निर्माता–निर्देशकहरूले दिएका थिए । यसअघि निफले प्रि-इभेन्टअन्तर्गत ‘हर सिनेमा हर भ्वाइस’ र ‘द न्यू वेभ इन नेपाली सिनेमा’ शीर्षकमा दुई अन्तर्क्रियात्मक कार्यक्रम आयोजना गरेको थियो ।
महोत्सवका अध्यक्ष केपी पाठकले प्रि-इभेन्ट सफलतापूर्वक सम्पन्न भएको जानकारी दिँदै अब चैत १९ गतेदेखि सुरु हुने महोत्सवका लागि अन्तिम तयारी भइरहेको जानकारी दिनुभयो । उहाँले छिट्टै महोत्सवका विस्तृत कार्यक्रम आधिकारिक सामाजिक सञ्जाल र वेबसाइटमार्फत सार्वजनिक गरिने बताउनुभयो ।
यस संस्करणमा पाँचदिने एआई फिल्म वर्कसप पनि समावेश गरिएको छ । वर्कसपमा प्रि-प्रोडक्सन, प्रोडक्सन र पोष्ट–प्रोडक्सन चरणमा एआईको प्रयोगबारे प्रशिक्षण दिइने जनाइएको छ । साथै फिल्म निर्माणमा एआईको सम्भावना र भविष्यबारे पनि छलफल गरिनेछ । इच्छुक व्यक्तिहरूले चैत ११ (मार्च २५) सम्म आवेदन दिन सक्नेछन् ।
यसैगरी, ‘निफ फिचर पिच’ शीर्षकको कार्यक्रममार्फत सर्ट फिल्म निर्माणमा अनुभव भएका लेखकहरूले आफ्नो फिचर फिल्मको कथा निर्मातासमक्ष प्रस्तुत गर्ने अवसर पाउनेछन् ।
भारतका चर्चित निर्देशक, निर्मात र कलाकार रमेश सिप्पी निफको उद्घाटन समारोहमा विशेष उपस्थित रहनुहुनेभएको छ । निफका अध्यक्ष पाठकका अनुसार उहाँ उद्घाटन कार्यक्रममा विशेष उपस्थिति जनाउन नेपाल आउने पक्का भएको हो ।
निफमा सहभागी हुने निर्देशक सिप्पीले भारतीय चलचित्रको यात्रा, आफ्नो फिल्मी यात्रा र अनुभवबारे नेपाली फिल्म मेकर र दर्शकमाझ शेयर गर्ने कार्यक्रम पनि राखिएको अध्यक्ष पाठकले जानकारी गराउनुभयो । सिप्पीले दर्जनभन्दा बढी चलचित्र निर्देशन गर्नुभएको छ । बलिउडमा काशेढुंगाका रूपमा सावित भएको चलचित्र ‘शोले’ उहाँकै निर्देशनमा बनेको हो ।
पछिल्लो समय उहाँले निर्देशन गरेको चलचित्र ‘सिम्ला मिर्ची’ सन् २०२० मा प्रदर्शनमा आएको थियो । उहाँ दर्जनौं चलचित्रको निर्माता र केही फिल्ममा कलाकारसमेत बन्नुभएको छ । सिप्पली आफ्नो निर्देशनमा बनेका चलचित्रहरूमा शाहरूख खान, अमिताभ बच्चन, सञ्जय दत्त, ज्याक्की श्रफ, मिथुन चक्रवर्ती, ऋषि कपुर, दिलिप कपुर, शशी कपुर, धर्मेन्द्र, राजेश खन्नालगयात बलिउड स्टारलाई अभिनय गराउनुभयो छ ।
आयोजकका अनुसार महोत्सवमा ४० देशका ८८ फिल्म प्रदर्शन गरिनेछन् भने विभिन्न विषयमा १० वटा अन्तर्क्रियात्मक कार्यक्रमसमेत आयोजना गरिनेछन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
किम्रुङ खोलाको बहाव रोकिएपछि कास्की
कति आज विदेशी मुद्राको विनिमय
हतुवागढीले जुटायो २४ लाख ५३
जापानिज इन्सेफ्लाइटिसविरुद्ध खोप अभियान सञ्चालन
बाढीबाट भएको क्षतिको यथार्थ मूल्याङ्कन
म्याग्दी नदीमाथि झोलुङ्गे पुल निर्माण