जनकपुरधाम । प्रधानमन्त्री कप पुरुष एकदिवसीय राष्ट्रिय क्रिकेट प्रतियोगिताको सोमबारको खेलमा लुम्बिनीले कोशीलाई र सुदूरपश्चिमले कर्णालीलाई हराएको छ । जनपुरमा खेलिएको खेलमा लुम्बिनी प्रदेशसामु कोशी प्रदेश निरीह बनेको थियो । उक्त खेलमा लुम्बिनी प्रदेशले कोशी प्रदेशलाई १४८ रनको विशाल अन्तरले हरायो । टस हारी पहिले ब्याटिङको निम्तो पाएको लुम्बिनी प्रदेशले ४९.३ ओभरमा अलआउट हुनुअघि २४९ रन बनाएको थियो । जवाफी ब्याटिङमा ओर्लिएको कोशी प्रदेशले भने ३१.४ ओभरमै अलआउट हुनुअघि एक सय एक रनमात्र बनाउन सक्यो ।
लुम्बिनी प्रदेशको जितमा कप्तान देव खनालले ९२ रनको योगदान गर्नुभयो । ओपनर ब्याट्सम्यान देवले एक सय बलको सामना गरी एक छक्का र आठ चौका पनि हिर्काउनुभयो । उहाँले अर्का ओपनर रञ्जित खड्कासँग ८६ रनको साझेदारी गर्नुभयो ।
रञ्जितले ३५ रन जोडनुभयो । उहाँले ३६ बलमा पाँच चौका प्रहार गर्नुभयो । सन्तोष यादवले ४८ रन बनाउनुभयो । उहाँले ६२ बलमा तीन चौका पनि प्रहार गर्नुभयो । राजेन्द्र बम १६ रनमा अविजित रहनुभयो । कोशी प्रदेशका बलर सुजन थपलियाले चार विकेट लिनुभयो । उहाँले १० ओभरमा ३५ रन खर्चिनुभयो । दीपेश कँडेलले पनि दुई विकेट लिनुभयो भने विपिन महतो र प्रेम कामतले एक-एक विकेट लिनुभयो ।
जवाफी ब्याटिङ गरेको कोशी प्रदेशका लागि अंकित सुवेदीले सर्वाधिक ३५ रन बनाउनुभयो । यसका अतिरिक्त, दीपेश कँडेल (१५ रन) र कप्तान सुजन थपलिया (११ रन)ले मात्र दोहोरो अंकमा रन बनाउन सक्नुभयो ।
कोशी प्रदेशले अतिरिक्त रूपमा भने १७ रन पायो । लुम्बिनी प्रदेशका बलर सन्तोष यादवले चार विकेट लिनुभयो । उहाँले सात ओभरमा एक मेडन राख्दै केवल ११ रन खर्चिनुभयो । राजेन्द्र बमले तीन, निर्मल गुरुङले दुई र सन्देश थापाले एक विकेट लिनुभएको थियो ।
यता, वीरगञ्जमा खेलिएको खेलमा सुदूरपश्चिम प्रदेशले कर्णाली प्रदेशलाई चार विकेटले हराएको थियो । टस हारी पहिले ब्याटिङको निम्तो पाएको कर्णाली प्रदेशले ३२ ओभरमै अलआउट हुनुअघि ११९ रन मात्र बनाउन सक्यो । जवाफी ब्याटिङमा ओर्लिएको सुदूरपश्चिम प्रदेशले २९.२ ओभरमै ६ विकेट गुमाएर १२२ रन बनाउँदै विजय लक्ष्य पार गर्यो ।
सुदूरपश्चिम प्रदेशको जितमा हेमन्त धामी नायक बन्नुभयो । पहिले ब्याटिङ गरेको कर्णालीलाई सस्तोमा समेट्ने क्रममा उहाँ एक्लैले ६ विकेट लिनुभयो । उहाँले सात ओभरमा एक मेडन राख्दै केवल १६ रन खर्चिनुभएको थियो ।
शेर मल्ल, नारायण जोशी, अशोक धामी र मिलन बोहराले पनि एक-एक विकेट लिनुभयो । कर्णालीका लागि विपिन रावलले सर्वाधिक ३३ रन जोडनुभयो । ओपनर सुनिल धमलाले २८ रन जोडनुभयो भने अरविन्द घर्तीले १३ रन थप्नुभयो । अन्य ब्याटरले दोहोरो अंकमा रन बनाउन सकेनन् ।
कर्णालीले अतिरिक्त रूपमा २२ रन पायो । जवाफी ब्याटिङ गरेको सुदूरपश्चिमको जितमा किरण ठगुन्नाले २६, खड्क बोहोराले २३, मिलन बोहराले अविजित १८ र कप्तान शेर मल्लले अविजित १० रन बनाउनुभयो ।
सुदूरपश्चिम प्रदेशले अतिरिक्त रूपमा पनि २५ रन पायो । कर्णाली प्रदेशका बलर अनुज चनरा र दिवान पुनले दुई-दुई विकेट लिनुभयो । प्रकाश जैसी र दीपेन्द्र रावतले पनि एक-एक विकेट हात पार्नुभयो । हेमन्त धामी प्लेयर अफ दि म्याच घोषित हुनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर