धादिङ । माध्यमिक शिक्षा परीक्षा (एसइई) आजदेखि देशभर सुरु भएको छ। धादिङमा २४ वटा परीक्षा केन्द्रबाट सहभागी विद्यार्थीहरूमध्ये पुरक तर्फ ८ सय जना र नियमित तर्फ ४ हजार २ सय ४६ जना गरी कुल ५ हजार ४६ जना विद्यार्थी परीक्षामा सहभागी हुनुभएको छ । यस्तै, प्राविधिक तर्फ पनि धादिङमा १ सय ८२ जना विद्यार्थी रहनुभएको छ । शिक्षा विकास तथा समन्वय इकाइ धादिङका सूचना अधिकारी चन्द्रिका मल्लले उक्त जानकारी दिनुभएको हो।
परीक्षा सञ्चालनका लागि २४ केन्द्राध्यक्ष, ३५ सहायक केन्द्राध्यक्ष, २ सय ५३ जना निरीक्षक तथा ३ सय ६० सुरक्षाकर्मी सहित कुल ८ सय २५ जना जनशक्ति प्रत्यक्ष रूपमा परिचालन गरिएको सूचना अधिकारी मल्लले जानकारी दिनुभयो ।
परीक्षा नियन्त्रण कार्यालयका अनुसार यस वर्ष देशभरबाट ५ लाख १२ हजार ४२१ विद्यार्थी परीक्षामा सहभागी भएका छन्। तीमध्ये २ लाख ५७ हजार ६१३ छात्रा, २ लाख ५४ हजार ८०१ छात्र र ७ जना अन्य रहेका छन्।
जापानको एभरेस्ट स्कुलसहित कुल १ हजार ९६६ परीक्षा केन्द्रमा एसईई सञ्चालन भइरहेको छ। नियमिततर्फ ४ लाख ४१ हजार ५६६ जना र ग्रेड वृद्धितर्फ ७० हजार ८५५ जनाले परीक्षा दिँदैछन्।
परीक्षा सञ्चालनका लागि केन्द्राध्यक्ष, सहायक केन्द्राध्यक्ष, निरीक्षक, सहयोगी तथा सुरक्षाकर्मी गरी झण्डै ७३ हजार जनशक्ति परिचालन गरिएको छ। परीक्षा बिहान ८ बजेदेखि ११ बजेसम्म सञ्चालन हुनेछ। आज पहिलो दिन अनिवार्य अंग्रेजी विषयको परीक्षा हुँदैछ। परीक्षा आगामी २९ गते सम्पन्न हुनेछ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
राज्यको धरपकडले निजी क्षेत्र त्रसित
ड्युटीमै रहेका प्रहरी सहायक निरीक्षक
संसद बैठकमा प्रधानमन्त्री बालेन्द्र साह
वरिष्ठ चिकित्सक उपाध्यायको निधन
विश्व रोबोटिक्समा नेपाली चेलीको ऐतिहासिक
कर्णाली : संघर्ष, सम्भावना र