कोलकाता । इन्डियन प्रिमियर लिग (आईपीएल) २०२६ अन्तर्गत बिहीबार सम्पन्न खेलमा सनराइजर्स हैदराबादले कोलकाता नाइट राइडर्सलाई ६५ रनले पराजित गरेको छ । २ सय २७ रनको विशाल लक्ष्य पछ्याएको कोलकाता आफ्नै घरेलु मैदान इडेन गार्डेनमा १६ ओभर मात्र टिक्न सक्यो र १ सय ६१ रनमा अलआउट भयो ।
जारी सिजनमा हैदराबादको यो पहिलो जित हो । यसअघि पहिलो खेलमा टोली रोयल च्यालेन्जर्स बेंगलुरुसँग पराजित भएको थियो । यता कोलकाताको भने यो लगातार दोस्रो हार हो । कोलकाता पहिलो खेलमा मुम्बई इन्डियन्ससँग स्तब्ध भएको थियो ।
विशाल लक्ष्य पछ्याउने क्रममा कोलकाताले पहिलो ओभरमै २५ रन जोड्दै आक्रामक सुरुवात गरेको थियो । ओपनर फिन एलनले पहिलो ओभरमा ३ चौका र २ छक्का प्रहार गरे पनि दोस्रो ओभरमा २८ रन बनाउँदा आउट हुनुभयो । ७ बल खेल्नुभएका उहाँले कुल ४ चौका र २ छक्का प्रहार गर्नुभयो ।
कोलकाताका कप्तान एवं ओपनर अजिन्क्या रहानेले १० बलमा मात्र ८ रन जोड्नुभयो । मध्यक्रमका ब्याटर क्यामरन ग्रिन २ रनमा आउट हुनुभयो भने अंगकृष रघुवंशीले २९ बलमा ६ चौका र २ छक्कासहित ५२ रनको योगदान दिनुभए पनि टोलीलाई जिताउन सक्नुभएन । ग्रिन र रघुवंशी दुवै रनआउटको सिकार हुनुभएको थियो ।
हैदराबादका बलरहरूले कसिलो बलिङ गरेपछि कोलकाताको पारी सस्तैमा समेटियो र हैदराबादले प्रतियोगितामा पहिलो दुई अंक जोड्न सफल भयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर