काठमाडौँ । गृहमन्त्री सुदन गुरुङ ले पोखरास्थित फेवाताल क्षेत्रको जग्गा खरिद गरेको भन्ने विषय सार्वजनिक भएपछि राजनीतिक तथा सामाजिक वृत्तमा तरंग उत्पन्न भएको छ।
सार्वजनिक भएका विवरणअनुसार संरक्षित तथा विवादित मानिने फेवाताल आसपासको जग्गा मन्त्री गुरुङले निजी नाममा किनेको दाबी गरिएको छ। उक्त क्षेत्र विगतदेखि नै अतिक्रमण, अवैध किनबेच र नक्सा विवादका कारण चर्चामा रहँदै आएको छ।
यस विषय सार्वजनिक भएसँगै विभिन्न राजनीतिक दल, नागरिक समाज तथा सरोकारवाला निकायहरूले निष्पक्ष छानबिनको माग गरेका छन्। उनीहरूले मन्त्री पदमा रहँदा त्यस्तो संवेदनशील क्षेत्रको जग्गा खरिद गर्नु नैतिक रूपमा समेत प्रश्न उठ्ने बताएका छन्।
ADVERTISEMENT
यता गृहमन्त्री गुरुङको सचिवालयले भने उक्त आरोपहरू असत्य र भ्रामक भएको प्रतिक्रिया दिएको छ। “कुनै पनि गैरकानुनी ढंगले जग्गा किनबेच भएको छैन, आवश्यक परे छानबिनमा पूर्ण सहयोग गर्छौँ,” सचिवालयले जनाएको छ।
फेवाताल क्षेत्रको जग्गा सम्बन्धी विवादमा यसअघि पनि सर्वोच्च अदालतले संरक्षण र अतिक्रमण हटाउन सम्बन्धित निकायलाई निर्देशन दिइसकेको छ। यस्तो संवेदनशील विषयमा उच्च तहका व्यक्तिको नाम जोडिनु आफैंमा गम्भीर विषय भएको भन्दै पारदर्शी अनुसन्धानको आवश्यकता औँल्याइएको छ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
नाती मेरो साथी
राजनीतिक नेतृत्व अभिभावक बन्ने कि