पाल्पा । नेपाल इन्भेष्टमेण्ट मेगा बैंक लिमिटेड (एनआईएमबी) को एटिएम मेसिन तोडफोड गर्ने एकजनालाई पाल्पा प्रहरीको एक टोलीले पक्राउ गरेको छ । पक्राउ पर्नेमा बगनासकाली गाउँपालिका-६ गुँगाका २४ वर्षीय विजय सुनार रहेको जिल्ला प्रहरी कार्यालयका प्रहरी नायव उपरीक्षक होम प्रकाश चौधरीले जानकारी दिनुभयो ।
पक्राउ परेका सुनारले बुधबार रातीको समयमा यहाँको तानसेनस्थित एनआईएमबी बैंकको एटिएम मेसिनबाट पैसा चोरी गर्ने उद्देश्यले एटिएम भित्र जडान गरिएको सिसिटिभी क्यामरा तोडफोड गरी एटिएम मेसिन तोडफोड गर्दै गरेको अवस्थामा सोही बैंकका सुरक्षा गार्डले देखेपछि नियन्त्रणमा लिन खोज्दा सुनार भागेका थिए ।
फरार भएको भन्ने जानकारी प्राप्त हुनासाथ जिल्ला प्रहरी कार्यालय पाल्पाबाट प्रहरी निरीक्षक सहितको टोली खटिगई सिसिटीभी क्यामरामा कैद भएको फोटो/भिडियो हेरि सुक्ष्म अनुसन्धान तथा विश्लेषणको आधारमा निज व्यक्तिको खोजतलास गर्ने क्रममा होलादीबाट नियन्त्रणमा लिइएको प्रहरी नायव उपरीक्षक चौधरीले बताउनुभयो । अहिले उनलाई नियन्त्रणमा लिई थप अनुसन्धान अगाडि बढेको प्रहरीले जनाएको छ ।
ठूलो आवाज निकाल्ने आठ मोटरसाइकल नियन्त्रणमा
ADVERTISEMENT
यस्तै यहाँ ठूलो आवाज निकाल्ने आठ मोटरसाइकलसहित चालकलाई समेत प्रहरीले नियन्त्रणमा लिएको छ । जिल्ला प्रहरी कार्यालय र जिल्ला ट्राफिक प्रहरी कार्यालयबाट संयुक्त रुपमा खटिएको प्रहरी टोलीले तानसेन बजार एरियाबाट यहाँका सडकमा ठूलो आवाज निकालेर मोटरसाइकल चलाउनेलाई नियन्त्रणमा लिएको हो ।
विभिन्न मिति तथा समयमा स्वरुप परिवर्तन गरी चर्को आवाज निकाली ध्वनी प्रदुषण गर्ने आठ वटा मोटरसाईकलहरु नियन्त्रणमा लिएको प्रहरी नायव उपरीक्षक चौधरीले जानकारी दिनुभयो ।
आवाज ठूलो निकालेर अनावश्यकरुपमा ध्वनी प्रदूषण गरेको गुनासो आएपछि प्रहरीले त्यस्ता मोटसाइकलहरुलाई धमाधम नियन्त्रणमा लिन थालेको छ । मोटरसाईकलहरु नियन्त्रणमा लिई आवश्यक कारवाहीको लागि जिल्ला प्रहरी कार्यालयमा राखिएको चौधरीले बताउनुभयो ।
यो खबर पढेर तपाईलाई कस्तो महसुस भयो ?
1
Like
Like
3
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
नाती मेरो साथी
राजनीतिक नेतृत्व अभिभावक बन्ने कि