काठमाडौं । पाकिस्तानको राजधानी इस्लामावादमा जारी अमेरिका र इरानबीचको ऐतिहासिक शान्ति वार्ता निष्कर्षविहीन भएको छ ।
वार्तामा अमेरिकी टोलीको नेतृत्व गरिरहनुभएका उपराष्ट्रपति जेडी भ्यान्सले परमाणु मुद्दामा इरानका तर्फबाट हालसम्म कुनै ठोस प्रतिबद्धता नआएको बताउनुभएको छ ।
वार्ताको प्रगतिबारे जानकारी दिँदै उपराष्ट्रपति भ्यान्सले भन्नुभयो, “हामीले हाम्रो तर्फबाट उत्तम र अन्तिम प्रस्ताव दिइसकेका छौँ, तर तेहरानबाट हुनुपर्ने आधिकारिक निर्णय अझै पर्खिरहेका छौँ ।”
सञ्चारकर्मीसँगको अन्तरक्रियामा भ्यान्सले इरानको परमाणु क्षमता नियन्त्रण गर्नु नै राष्ट्रपति डोनाल्ड ट्रम्पको प्रशासनको ‘मूल लक्ष्य’ रहेको प्रस्ट पार्नुभयो ।
ADVERTISEMENT
“इरानले परमाणु हतियार निर्माण गर्ने छैन र त्यसका लागि आवश्यक पूर्वाधार वा उपकरण पनि जुटाउने छैन भन्नेमा हामी विश्वस्त हुन चाहन्छौँ,” उहाँले भन्नुभयो, “यसका लागि इरानको तर्फबाट स्पष्ट प्रतिबद्धता आउनु अनिवार्य छ, जुन अहिलेसम्म देखिएको छैन ।”
इरानी सञ्चारमाध्यमहरूले भने दुई देशबीचको वार्ता आइतबार दोस्रो दिन पनि जारी रहने उल्लेख गर्नुभएको छ । वार्तामा ‘हर्मुज जलसन्धि’ मा रहेको रणनीतिक अवरोध र सैन्य तनावको विषय मुख्य बाधक बनेको बताइएको छ ।
उपराष्ट्रपति भ्यान्सले इरानको परमाणु कार्यक्रमको भौतिक संरचना ‘ध्वस्त’ पारिएको दाबी गरे तापनि भविष्यमा यस्ता गतिविधि नगर्ने इरानको ‘इच्छाशक्ति’ माथि अझै संशय कायमै रहेको बताउनुभयो । विश्वको ध्यान तानिएको यस वार्ताले मध्यपूर्वी एसियाको सुरक्षा र स्थिरतामा ठुलो महत्त्व राख्ने देखिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
नाती मेरो साथी
राजनीतिक नेतृत्व अभिभावक बन्ने कि