काठमाडाैं । अमेरिका-इरानबीच जारी कूटनीतिक वार्ता निष्कर्षविहीन बनेसँगै विश्व ऊर्जा बजार फेरि एकपटक अस्थिर बनेको छ। वार्ता असफल भएको खबर बाहिरिएलगत्तै कच्चा तेलको मूल्य आकस्मिक रूपमा उकालो लागेको हो ।
विशेषगरी एसियाली बजार खुलेसँगै इन्धनको मूल्यमा तीव्र उछाल देखिएको छ। अन्तर्राष्ट्रिय बजारमा ब्रेन्ट क्रुड ८ प्रतिशतभन्दा बढीले बढ्दै प्रतिब्यारेल १०२ डलर नाघेको छ भने वेस्ट टेक्सस इन्टरमिडिएट (डब्लूटीआई) पनि १०५ डलर नजिक पुगेको छ। केही दिनअघिसम्म मूल्य घट्ने संकेत देखिए पनि वार्ता विफल भएपछि बजारले फेरि तनावको प्रतिक्रिया दिएको हो।
यसअघि दुई देशबीच अस्थायी सहमति भएपछि ‘स्ट्रेट अफ हर्मोज’मार्फत तेल आपूर्ति सहज हुने अपेक्षा गरिएको थियो। तर, पुनः बढेको राजनीतिक तनावले उक्त समुद्री मार्ग पुनः जोखिममा परेको छ। विश्व ऊर्जा आपूर्तिको ठूलो हिस्सा यही मार्गबाट हुने भएकाले यसको असुरक्षाले बजारमा सीधा प्रभाव पारिरहेको छ।
ADVERTISEMENT
अमेरिकी राष्ट्रपति डोनाल्ड ट्रम्पले इरानी बन्दरगाहमा नाकाबन्दी गर्ने चेतावनी दिएपछि स्थिति झन् जटिल बनेको विश्लेषकहरू बताउँछन् । फेब्रुअरी अन्त्यदेखि जारी द्वन्द्वका कारण समुद्री ढुवानी प्रभावित भइसकेको छ, जसले विश्वव्यापी आपूर्ति शृङ्खलामा दबाब सिर्जना गरेको छ ।
यता, इन्धनको मूल्य वृद्धि र भूराजनीतिक तनावको असर सेयर बजारमा समेत देखिएको छ। एसियाका प्रमुख बजारहरूमा गिरावट आएको छ भने लगानीकर्ताहरू सतर्क बनेका छन्। ऊर्जा संकट थप गहिरिने सम्भावनासँगै विश्व अर्थतन्त्रमा नयाँ चुनौती थपिएको आकलन गरिएको छ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
नाती मेरो साथी
राजनीतिक नेतृत्व अभिभावक बन्ने कि