काठमाडौं । म्युजिक नेपाल र फ्रेम इन मोसनको संयुक्त प्रस्तुतिमा तयार भएको वेब सिरिज ‘साहु बा’को ट्रेलर सार्वजनिक गरिएको छ । निर्माण पक्षले र सार्वजनिक गरेको एक मिनेट ४४ सेकेण्ड लामो ट्रेलरले दर्शकमाझ उत्सुकता र कौतुहलता बढाएको छ ।
ट्रेलरले सिरिजको कथावस्तु ‘क्राइम, एक्सन र रिभेन्ज’ (बदला) मा केन्द्रित रहेको स्पष्ट पार्छ । मुख्य पात्र विजु पार्की वरिपरि घुम्ने कथामा देखाइएको सेतो कागजको जहाजले विशेष ध्यान खिच्छ । उक्त प्रतीकले बाल्यकालको स्मृति वा बदलाको संकेत दिनसक्ने अनुमान गरिएको छ । रगतले लतपतिएको हातमा देखिएको जहाजले भावनात्मक बदला सिरिजको प्रमुख पाटो हुने संकेत गर्छ ।
ट्रेलरमा एक्सन दृश्य, प्रहरी अनुसन्धान प्रक्रिया र पात्रहरूबीचको द्वन्द्वलाई उच्चस्तरीय सिनेमेटोग्राफीमार्फत प्रस्तुत गरिएको छ । बदलाको भावनाले प्रेरित एक युवकको संघर्ष र उसले सामना गर्ने आपराधिक सञ्जाललाई मुख्यरूपमा देखाइएको छ । आगो, हतियार र अस्पतालका दृश्यहरूले सिरिजमा सस्पेन्सको मात्रा उच्च रहेको झल्काउँछन् ।
नेपाली वेब सिरिजहरू प्रायः संवादमा केन्द्रित हुने प्रवृत्तिबाट अलग हुँदै ‘साहु बा’ले एक्सनलाई प्राथमिकता दिएको देखिन्छ । सडकका दृश्य, गाडीमाथिका स्टन्ट तथा गोदामभित्रका लडाइँका दृश्यहरू आकर्षक ढंगले खिचिएका छन् । ट्रेलरको अन्त्यमा देखिएको रातो कुर्सीले शक्ति र सत्ताको संघर्षलाई संकेत गर्छ । उक्त कुर्सीको मालिक को बन्ने भन्ने विषय नै सिरिजको मुख्य क्लाइमेक्स हुने अनुमान गरिएको छ ।
ADVERTISEMENT
निर्देशक तथा लेखक सुजोय योङका अनुसार ‘साहु बा’ नेपाली डिजिटल क्षेत्रकै एक महत्त्वाकांक्षी परियोजना हो । यसमा ३८० भन्दा बढी कलाकारले अभिनय गरेका छन्, जुन नेपाली वेब सिरिज इतिहासमै ठूलो संख्या मानिन्छ । २४ एपिसोड रहेको यो सिरिज निर्माणमा करिब तीन वर्ष लागेको जनाइएको छ ।
सिरिजमा प्रियंका कार्की, नम्रता श्रेष्ठ, विजु पार्की, सरिता गिरी, कविता नेपाली, अमित शाह, अमित गिरी, प्रियंका चौधरी, हिना नगरकोटी, विमल पुरी, रमेश अधिकारी, प्रदीप बाँस्तोला र कृष्णभक्त महाजनलगायतमन कलाकारको अभिनय छ ।
छायांकन आयुषमान डी जोशी, संगम राई र अनिश तामाङले गर्नुभएको हो भने सम्पादन रामप्रसाद चौधरीले गर्नुभएको छ । द्वन्द्व निर्देशन पेमा लामा र राजु तामाङको छ । ‘साहु बा’ आगामी १७ अप्रिल २०२६ (२०८३ वैशाख ४ गते)देखि प्रसारण हुने जनाइएको छ । दर्शकले साँझ ६ बजेदेखि मोःमोः एपमार्फत सम्पूर्ण एपिसोड हेर्न सक्नेछन् भने साप्ताहिक रूपमा म्युजिक नेपालको युट्युब च्यानलबाट पनि सार्वजनिक गरिने निर्माणपक्षले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
नाती मेरो साथी
राजनीतिक नेतृत्व अभिभावक बन्ने कि