काठमाडौं । लीलाध्वज थापा साहित्य प्रतिष्ठानले कवि माधव वियोगी (माधवप्रसाद घिमिरे)लाई सम्मान गरेको छ । प्रतिष्ठानले नेपाली काव्यसाहित्यमा लामो समयदेखि योगदान पुर्याउँदै आउनुभएका कवि वियोगीलाई ‘लीलाध्वज थापा स्रष्टा सम्मान’ प्रदान गरेको हो । उहाँलाई सम्मानसहित नगद १० हजार रुपैयाँसमेत प्रदान गरिएको थियो ।
काठमाडौंमा आयोजित कार्यक्रममा पोखरा बसोवास गर्दै आउनुभएका कवि वियोगीले ०४१ सालतिर ‘छन्द मरिसक्यो, अब छन्द लेख्नु हाँस्यास्पद हो’ भन्ने सुनेपछि आफूले ‘छन्द कसरी मर्छ ?’ भन्दै छन्द बचाऊ अभियान सुरु गर्दै त्यसमा निरन्तर लागेको बताउनुभयो । वियोगीका आठ महाकाव्य, आठवटा खण्डकाव्यलगायत कृति प्रकाशित छन् ।
ADVERTISEMENT
कार्यक्रममा कविहरू कुमार नेपाल, विजयध्वज थापा, प्राडा.गोविन्दमानसिंह कार्की, डा.बमबहादुर थापा जिताली, टेकबहादुर लौडारी, बद्री उप्रेती, नम्रता उप्रेतीले रचना वाचन गर्नुभएको थियो । यस्तै, कृष्णप्रसाद पौडेल ‘जस्ताघरे’, वीरबहादुर लोहनी, मदनराज थापा, प्रार्थना खनाल जोशी, प्रदीप नेपाल, तारा दुवेदी, सुभाषचन्द्र पौडेल ‘भीमफेदिया’, गंगा खड्का, मानन्धर अभागी, ध्रुवराज थापा ‘पुरुष’ले पनि कविता वाचन गर्नुभएको थियो ।
यो खबर पढेर तपाईलाई कस्तो महसुस भयो ?
1
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
नाती मेरो साथी
राजनीतिक नेतृत्व अभिभावक बन्ने कि