रुपन्देही । मुख्यमन्त्री चेतनारायण आचार्यले संघीय सरकारसँग प्रदेशको संवैधानिक अधिकार कार्यान्वयनमा देखिएका अवरोध हटाउन ठोस नीतिगत सुधार गर्न आग्रह गर्नुभएको छ।
प्रधानमन्त्री वालेन्द्र शाहले आयोजना गर्नुभएको मुख्यमन्त्रीहरूसँगको छलफलमा मुख्यमन्त्री आचार्यले संघ–प्रदेश सम्बन्धलाई प्रभावकारी बनाउन आवश्यक विषयहरू उठाउनुभएको हो।
उहाँले संघीयताको मर्मअनुसार अधिकार बाँडफाँट स्पष्ट हुनुपर्ने उल्लेख गर्दै प्रदेश प्रहरी समायोजन, संघीय निजामती सेवा ऐन निर्माण तथा वित्तीय हस्तान्तरणमा देखिएका समस्या समाधान गर्नुपर्नेमा जोड दिनुभयो। संघीय हस्तक्षेप कम गरी प्रदेशलाई आफ्ना अधिकार स्वतन्त्र रूपमा प्रयोग गर्न सक्ने वातावरण बनाउनुपर्ने उहाँको भनाइ थियो।
मुख्यमन्त्री आचार्यले संघीय सरकारबाट आउने निर्देशनात्मक परिपत्रहरूले प्रदेशको कार्यसम्पादनमा असर पारिरहेको उल्लेख गर्दै यस्ता अभ्यासले कर्मचारीको मनोबल कमजोर बनाउने र काम गर्ने वातावरण प्रभावित हुने बताउनुभयो। सञ्चार क्षेत्रसँग सम्बन्धित सरकारी मिडियामार्फत मात्र सूचना तथा विज्ञापन प्रवाह गर्ने व्यवस्थाले समेत प्रदेशस्तरका कार्यक्रम कार्यान्वयनमा समस्या ल्याएको उहाँको भनाइ छ।
ADVERTISEMENT
वित्तीय पक्षमा संघीय सरकारले पठाउने समानिकरण, सशर्त र समपूरक बजेटमा कटौती हुँदा प्रदेशलाई बजेट निर्माणमा कठिनाइ भएको उहाँले उल्लेख गर्नुभयो। समपूरक बजेटको सीमा घटाइएको विषयमा पुनर्विचार गरी पूर्वावस्थामा फर्काउनुपर्ने माग उहाँले गर्नुभयो।
उहाँले हुलाकी सडक, मदन भण्डारी राजमार्ग, मध्यपहाडी लोकमार्ग, राप्ती लोकमार्ग जस्ता राष्ट्रिय गौरवका आयोजना बजेट अभावका कारण प्रभावित भएको बताउँदै पर्याप्त बजेट विनियोजन गर्नुपर्नेमा जोड दिनुभयो। साथै सिक्टा, बबई र भेरी–बबई डाइभर्सनजस्ता सिँचाइ आयोजनामा न्यून बजेटका कारण लागत वृद्धि भई काम प्रभावित भएको उल्लेख गर्नुभयो।
मुख्यमन्त्री आचार्यले वन ऐन संशोधन गरी विकासमैत्री बनाउन, मानव–वन्यजन्तु द्वन्द्व व्यवस्थापन गर्न तथा प्रदेश प्रहरी ऐन, कर्मचारी सेवा ऐन र शिक्षा ऐन शीघ्र ल्याउनुपर्ने मागसमेत गर्नुभएको छ। तीन तहका सरकारबीच समन्वय, सहकार्य र सहअस्तित्वलाई व्यवहारमै कार्यान्वयन गर्न संघीय सरकार गम्भीर हुनुपर्ने उहाँको जोड थियो।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
नाती मेरो साथी
राजनीतिक नेतृत्व अभिभावक बन्ने कि