ललितपुर । कवियत्री अनुशा शर्मा सुवेदीद्वारा लिखित अंग्रेजी कवितासंग्रह ‘पोइटिक डायस्पोरा’ माथि ललितपुरको हात्तीबनमा आयोजित एक समारोहबीच परिचर्चा गरिएको छ । कार्यक्रममा प्रमुख अतिथि प्राडा.अरूण गुप्ताले कृतिमा समेटिएका कविताका शब्दहरू चिन्तनशील र सशक्त रहेको बताउनुभयो । उहाँले १३० वटा कविताहरूले गहिरो भाव र सशक्त अभिव्यक्ति प्रस्तुत गरेको उल्लेख गर्दै लेखकको शाब्दिक परिकल्पनाशक्ति प्रशंसनीय रहेको धारणा राख्नुभयो ।
कवि तथा समीक्षक केशव सिग्देलले अनुशाका कविता उच्च कोटिका रहेको बताउनुभयो । उहाँका अनुसार कवितामा गहन अर्थ र मीठो शिल्प संयोजन भएको छ भने खुट्किलाबद्ध शैलीले पाठकलाई आकर्षित गर्छ । उहाँले कवितामा स्वतन्त्रताको चेतना र भक्तिधाराको प्रवाह स्पष्ट देखिने बताउनुभयो ।
अर्का समीक्षक महेश पौडेलले कृतिमा जीवनजगतलाई हेर्ने दृष्टिकोण समेटिएको उल्लेख गर्दै कवितामा ध्यान (मेडिटेसन)जस्तो प्रभाव पार्ने क्षमता रहेको धारणा व्यक्त गर्नुभयो । उहाँले कवितामा बालमनोविज्ञानसमेत झल्किएको बताउनुभयो ।
कवि सरला केसीले अनुशाका कवितामा शक्तिशाली भाव र ओज रहेको बताउँदै ती कविता पढ्दा शीतल अनुभूति हुने उल्लेख गर्नुभयो । यस्तै, कवि तथा लेखक राजीव श्रेष्ठले कवितामा जीवनका अनुभूति र आध्यात्मिक चेतना प्रतिबिम्बित भएको प्रतिक्रिया दिनुभयो । कार्यक्रममा पत्रकार तथा कवि दीपक सापकोटाले कृतिभित्रका केही कविता वाचन गर्नुभएको थियो भने पत्रकार एवं साहित्यकार राज सरगमले सहजीकरण गर्दै कृतिकारसँग संवाद गर्नुभएको थियो ।
कृतिकार अनुशा शर्मा सुवेदीले आफ्नो लेखन अनुभव साझा गर्दै कविताहरू आफ्ना अनुभूति, भावना र जीवनका विभिन्न अवस्थाबाट प्रेरित रहेको बताउनुभयो । उहाँले परिवारबाट टाढा रहँदाका अनुभूति र भन्न नसकेका भावनालाई कवितामार्फत अभिव्यक्त गरेको उल्लेख गर्नुभयो । साथै, आफूमा प्रकृतिप्रेम र भगवान् शिवप्रति गहिरो आस्था रहेको बताउनुभयो । कार्यक्रममा लेखक तथा बालगीतकार रामबाबु सुवेदीले स्वागत मन्तव्य व्यक्त राख्नुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
हरितालिका तीजमा पशुपतिनाथसहित शिवालयमा श्रद्धालुको
विद्यार्थी, शिक्षक तथा अभिभावको सुझावका
बर्दियामा छुट्टाछुट्टै दुर्घटनामा दुई जनाको
नेपालभन्दा बाहिर गएर प्रतियोगिता जित्नु
विपद्को पीडाबीच आएको तीज, भक्तजन
चीनले इरानलाई सूचना दिएको खबर