काठमाडौं । चर्को घाम, धुलो–धुवाँ र प्रदूषणले गर्मी मौसममा छालामाथि गम्भीर असर पार्न थालेपछि धेरै मानिस टेनिङको समस्याबाट हैरान छन् । छालाको प्राकृतिक चमक हराउँदै जानुका साथै अनुहार नीरस देखिन थालेपछि आत्मविश्वासमै असर पर्ने अवस्था देखिन्छ ।
यस्तो अवस्थामा बजारमा पाइने केमिकलयुक्त ब्यूटी क्रिमभन्दा प्राकृतिक उपायहरू सुरक्षित र प्रभावकारी विकल्पका रूपमा अघि आएका छन् । घरमै सजिलै पाइने सामग्री प्रयोग गरेर छालाको हेरचाह गर्न सकिने भएकाले यी उपायहरू अहिले धेरैको रोजाइ बन्न थालेका छन् ।
विशेषगरी कागतीको रसलाई प्राकृतिक ब्लीचको रूपमा लिइन्छ । भिटामिन ‘सी’ले भरिपूर्ण कागतीले मृत कोशिका हटाउँदै छालाको रंग सुधार गर्न मद्दत गर्छ । गुलाबजलसँग मिसाएर प्रयोग गर्दा यसको प्रभाव अझ राम्रो देखिन्छ ।
त्यसैगरी एलोवेरा जेलले छालालाई चिस्यान दिने मात्र होइन, टेनिङ कम गर्न पनि सहयोग पुर्याउँछ। नियमित प्रयोगले छालालाई स्वस्थ र ताजा राख्न मद्दत गर्ने देखिएको छ । दही र बेसारको संयोजन पनि उत्तिकै उपयोगी मानिन्छ । दहीमा रहेको ल्याक्टिक एसिडले छाला सफा र मुलायम बनाउँछ भने बेसारका एन्टिअक्सिडेन्टले रंग सुधार गर्न सहयोग गर्छ ।
ओटमिल स्क्रब प्रयोग गर्दा छालाको गहिरो सफाइ हुने र मृत छाला हट्ने भएकाले टेनिङ घटाउन मद्दत मिल्छ। दूधसँग मिसाएर हल्का मसाज गर्दा छाला झन् नरम बन्ने गर्छ ।
यस्तै, टमाटरमा पाइने लाइकोपीनले सूर्यका हानिकारक किरणबाट छालालाई जोगाउन सहयोग गर्छ। टमाटरको रस नियमित प्रयोग गर्दा छालामा प्राकृतिक चमक फर्किन सक्छ ।
विशेषज्ञहरूका अनुसार, गर्मीमा छालाको हेरचाहका लागि केवल बाहिरी उपाय मात्र होइन, पर्याप्त पानी पिउने, सन्तुलित आहार लिने र घामबाट जोगिने बानी पनि उत्तिकै आवश्यक हुन्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
राज्यको धरपकडले निजी क्षेत्र त्रसित
ड्युटीमै रहेका प्रहरी सहायक निरीक्षक
संसद बैठकमा प्रधानमन्त्री बालेन्द्र साह
वरिष्ठ चिकित्सक उपाध्यायको निधन
विश्व रोबोटिक्समा नेपाली चेलीको ऐतिहासिक
कर्णाली : संघर्ष, सम्भावना र