काठमाडौं । यस वर्षको ‘बी डी त्यागी प्रतिभा सम्मान’बाट साहित्यकार तथा सञ्चारकर्मी प्रदीप सापकोटा सम्मानित हुनुभएको छ । काठमाडौंमा आयोजित एक विशेष कार्यक्रमबीच उहाँलाई उक्त सम्मान प्रदान गरिएको हो । साहित्यकार बी डी त्यागीको स्मृतिमा स्थापित उक्त सम्मान उहाँकै स्मृति दिवसको अवसर पारेर प्रदान गरिएको हो । कार्यक्रममा बी डी त्यागी स्मृति केन्द्रकी संरक्षक गौरी आचार्य, साहित्यकार बेदमणी घिमिरे, उपन्यास समाजका अध्यक्ष शंकर भारती तथा साहित्यकार बाजुराम पौडेललगायतले सापकोटालाई सम्मान समर्पण गर्नुभएको थियो ।
काभ्रेको पनौतीका स्रष्टा सापकोटाका ‘यात्राका इन्द्रेणी रंग’, ‘यात्राको लय’ र ‘मनको वारपार’लगायत कृतिहरू प्रकाशित छन् । निबन्ध, नियात्रा, समीक्षा, कविता, मुक्तक र लघुकथा जस्ता विभिन्न विधामा सक्रिय सापकोटा सुनकोशी वाङ्मय प्रतिष्ठानका महासचिवसमेत हुनुहुन्छ ।
उक्त अवसरमा केन्द्रले अन्य विभिन्न विधामा योगदान पुर्याउने व्यक्तित्वहरूलाई पनि सम्मान गरेको थियो । गोकर्णेश्वर नगरपालिकाका प्रमुख दीपक रिसाललाई ‘नेपथ्य सम्मान’, साहित्यकार तथा ‘फित्कौली’का प्रधान सम्पादक नरनाथ लुइँटेललाई ‘बी डी त्यागी योगदान सम्मान’ तथा ललिता श्रेष्ठलाई ‘गौरीत्यागी स्रष्टा जीवन साथी सम्मान’ प्रदान गरिएको थियो । कार्यक्रममा वक्ताहरूले बी डी त्यागीको साहित्यिक योगदान स्मरण गर्दै उहाँको नाममा स्थापित सम्मानले स्रष्टाहरूलाई थप प्रेरणा प्रदान गर्ने विश्वास व्यक्त गरेका थिए ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर