काठमाडौं । साताको पहिलो कारोबार दिन सेयर बजार घटेर बन्द भएको छ । पछिल्ला तीन कारोबार दिनदेखि निरन्तर सेयर बजार घढ्दोक्रममा रहेको छ । सोमबार नेप्से परिसूचक ३४.६३ अंकले घटेर २७०४.०८ अंकमा झरेको छ । नेप्सेसँगै कारोबार रकम पनि घटेको छ ।
यस दिन चार अर्ब २६ करोड ५३ लाख ९० हजार रुपैयाँ बराबरको एक करोड ७४ हजार कित्ता सेयर खरिदबिक्री भएका छन् । गत बिहीबार चार अर्ब ९१ करोड रुपैयाँ बराबरको सेयर खरिदबिक्री भएका थिए । सोमबार फरवार्ड माइक्रोफाइनान्स लघुवित्तको सेयर सकारात्मक सर्किट लेभलमा कारोबार भएको छ । उक्त कम्पनीको सेयर मूल्य एक सय ६४ रुपैयाँ ४० पैसाले बढेर एक हजार दुई सय ६० रुपैयाँ ४० पैसामा अन्तिम कारोबार भएको हो ।
ADVERTISEMENT
त्यस्तै, झापा इनर्जीको सेयर मूल्य आठ प्रतिशत बढेको छ भने अन्य कम्पनीको मूल्य वृद्धिदर तीन प्रतिशतभन्दा कम रहेको छ । कारोबारमा आएको कर्पोरेट डेभलपमेन्ट बैंकको सेयर मूल्य सर्वाधिक १२.५८ प्रतिशतले घटेको छ । कारोबार रकमका आधारमा शीर्ष स्थानमा रहेको एनआरएन इन्फ्रास्ट्रक्चर एण्ड डेभलपमेन्ट कम्पनीको ३१ करोड ३६ लाख रुपैयाँ बराबरको सेयर कारोबार भएको छ भने यस दिन रिलायन्स स्पिनिङ मिल्सको करिब १८ करोड रुपैयाँको सेयर कारोबार भएको छ । नेसनल हाइड्रोपावरको कारोबार रकम साढे १५ करोड रुपैयाँ नाघेको छ ।
नेपाल स्टक एक्सचेन्ज(नेप्से)का अनुसार १३ समूहमध्ये यस दिन एक समूहको परिसूचक बढेको छ भने १२ समूहको घटेको छ । लघुवित्त समूहको परिसूचक ०.०२ अंकले बढेको छ । उत्पादन तथा प्रशोधन समूहको परिसूचक सर्वाधिक २.५४ प्रतिशतले बढेको छ भने विकास बैंक र जलविद्युत् समूहको दुई प्रतिशतभन्दा बढी बढेको छ । होटल तथा पर्यटन, लगानी र व्यापार समूहको एक प्रतिशतभन्दा बढीले घटेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
नाती मेरो साथी
राजनीतिक नेतृत्व अभिभावक बन्ने कि