काठमाडौं । नेपाल चिकित्सक संघ (एनएमए) को अध्यक्षमा डा. बद्री रिजाल निर्वाचित हुनुभएको छ । मंगलबार सम्पन्न मतगणनाअनुसार उहाँले तीन हजार १९६ मत प्राप्त गर्दै अध्यक्षमा विजय हासिल गर्नुभएको हो । उहाँका निकटतम् प्रतिस्पर्धी डा. मंगल रावलले दुई हजार ९४० मत प्राप्त गर्नुभयो भने अर्का उम्मेदवार डा. नारायणप्रसाद भुसालले ८६९ मत पाउनुभयो । संघको वरिष्ठ उपाध्यक्षमा डा. सञ्जीव तिवारी निर्वाचित हुनुभएको छ । उहाँले तीन हजार ३६ मत ल्याउनुभयो । यस पदका अन्य उम्मेदवारहरूमा डा. कीतिपाल सुवेदीले दुई हजार ३०२ र डा. अजयकुमार मिश्रले एक हजार ४२१ मत प्राप्त गर्नुभयो ।
महासचिव पदमा डा. विश्वराज दवाडी निर्वाचित हुनुभयो । उहाँले दुई हजार ७२२ मत पाउँदा उहाँका प्रतिस्पर्धी डा. कालुसिंह खत्रीले दुई हजार ४२३ र डा. अमृत भुसालले एक हजार ६४६ मत प्राप्त गर्नुभयो । कोषाध्यक्षमा डा. संयुक्त आचार्य विजयी हुनुभएको छ । उहाँले तीन हजार १८६ मत प्राप्त गर्दा डा. चाँदनी जैसवालले दुई हजार ९९ र डा. विनोदकुमार महासेठले ९७४ मत पाउनुभयो ।
१९ सदस्यीय कार्यसमितिमा अधिकांश पदमा डा. रिजालकै प्यानलका उम्मेदवारहरू निर्वाचित भएका छन् । वरिष्ठ उपाध्यक्ष, महासचिव र कोषाध्यक्ष जस्ता प्रमुख पदमा पनि रिजाल समूहकै वर्चस्व देखिएको छ । सदस्य पदमा डा. रिजाल पक्षबाट डा. राकेश साह, डा. सुस्मित काफ्ले र डा. बिना श्रेष्ठ निर्वाचित हुनुभयो । डा. रावल समूहबाट डा. अमित झा र डा. पल्पसा श्रेष्ठ विजयी भए भने टिम रिफर्मबाट डा. शेषराज घिमिरे सदस्यमा निर्वाचित हुनुभएको छ ।
ADVERTISEMENT
प्रदेश तहमा पनि रिजाल समूहको प्रभाव देखिएको छ । सातमध्ये पाँच प्रदेशमा उहाँका प्यानलका उम्मेदवारहरूले विजय हासिल गरेका छन् । कोसीमा डा. रोशन खड्का, मधेसमा डा. अमित रञ्जन मिश्र, बागमतीमा डा. सुवास भट्टराई, लुम्बिनीमा डा. नन्दाकुमारी गुरुङ र सुदूरपश्चिममा डा. प्रमोद जोशी निर्वाचित हुनुभएको छ ।
यता, गण्डकी र कर्णाली प्रदेशमा भने डा. रावल समूहका उम्मेदवारहरू विजयी भएका छन् । गण्डकीमा डा. यज्ञराज सिग्देल र कर्णालीमा डा. रवीन खड्काले जित निकाल्नुभएको छ । यसपटकको निर्वाचनमा डा. रिजाल समूहले संघभित्र स्पष्ट बहुमतसहित नेतृत्व स्थापित गरेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
नाती मेरो साथी
राजनीतिक नेतृत्व अभिभावक बन्ने कि