काठमाडौं । नाडा अटोमोबाइल्स एसोसिएसन अफ नेपालका अध्यक्ष सुरेन्द्रकुमार उप्रेतीको नेतृत्वको प्रतिनिधिमण्डलले उद्योग, वाणिज्य तथा आपूर्तिमन्त्री गौरीकुमारी यादवसँग भेटघाट गरी अटोमोबाइल वस्तुहरूमा अधिकतम मूल्यसूची(एमआरपी) सहितको स्टिकर टाँस्ने सम्बन्धमा विस्तृत छलफल गरेको छ ।
सो अवसरमा अध्यक्ष उप्रेतीले त्यस्तो व्यवस्थाले स्वाभाभिक रूपमा उत्पादन र आयात व्यवसाय थप व्यवस्थित, स्वच्छ र पारदर्शी बनाउनेमात्र नभई सरकारले प्राप्त गर्ने राजस्वमा समेत वृद्धि हुने र आधिकारिक रूपमा व्यवसाय सञ्चालन गरिरहेका उद्यमी र व्यवसायीलाई समेत प्रोत्साहित गर्ने भन्दै नाडा पनि यस विषयमा मन्त्रालयसँग सहकार्य गरी अघि बढ्न तयार रहेको बताउनुभयो । उहाँले नेपालमा हाल सिकेडी मोडलमा थुप्रै चारपांग्रे तथा दुईपांग्रे सवारी साधन उत्पादन भइरहेको र टायर, लुब्रिकेन्ट्स र ब्याट्रीहरू पनि नेपालमै उत्पादन भइरहेको जानकारी दिनुभयो ।
ADVERTISEMENT
मन्त्री यादवले नाडाले दिएका सुझाव मननयोग्य रहेको भन्दै विद्यमान अवस्थामा एमआरपीको व्यावहारिक पक्षबारे समय परिस्थितिअनुसार केही समयका लागि पछाडि सारेर समाधान गरिने र तत्कालको समस्या समाधान गरेर अगाडि बढ्ने आश्वासन दिनुभएको नाडाले जनाएको छ ।
सो छलफलमा नाडाका उपाध्यक्ष अभिक ज्योतिले नाडाले नै पहिलोपटक सरकारलाई एमआरपी र स्टिकरको विषयमा राय सुझाव दिएको जानकारी दिनुभएको थियो भने नाडाका सचिव मेघराज पौडेलले एमआरपीसहित स्टिकर टाँस्ने सम्बन्धमा देखिएको व्यावहारिक कठिनाइहरूबारे जानकारी दिनुभएको थियो । वाणिज्य, आपूर्ति तथा उपभोक्ता संरक्षण विभागले २०८२ चैत ३० गते जारी गरेको विज्ञप्तिमा विदेशबाट पैठारी गरी नेपालमा बिक्रीवितरण गरिने सम्पूर्ण वस्तुहरूमा अनिवार्य रूपमा एमआरपी उल्लेख गर्नुपर्ने साथै वस्तु बिक्री गर्दा अनिवार्य रूपमा बिलबिजक जारी गर्ने, त्यसैगरी उद्योगहरूको हकमा उद्योगले वस्तु उत्पादनकै क्रममा प्याकेजिङमा मूल्य, ब्याच नम्बर, तौल र म्याद स्पष्ट देखिने गरी स्थायी लेबल राख्नुपर्ने जनाएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
नाती मेरो साथी
राजनीतिक नेतृत्व अभिभावक बन्ने कि