![डोजर आतंकविरुद्ध माइतीघरमा सुकुम्बासीको थालबजाएर प्रदर्शन [तस्वीरहरु]](https://ehimalayatimes.com/wp-content/uploads/2026/05/1-watermarked-6.jpg)
काठमाडौं । काभ्रेको धुलिखेलमा भएको सातौं एसियन सभात च्याम्पियनसिपमा नेपाल टिम च्याम्पियन बनेको छ । अन्तर्राष्ट्रिय सभात महासंघ र एसियन सभात कन्फेडेरेसनको प्राविधिक तथा अफिसियल सहयोगमा नेपाल सभात संघको आयोजनामा सम्पन्न च्याम्पियनसिपमा नेपाल सर्वाधिक ३१ स्वर्ण, २० रजत र ३० कांस्य पदक जितेर टिम च्याम्पियन बनेको नेपाल सभात संघका अध्यक्ष लक्ष्मण बस्नेतले जानकारी दिनुभयो ।
यस्तै, १८ स्वर्ण, २७ रजत र २२ कांस्यसाथ भारत दोस्रो तथा तीन स्वर्ण, चार रजत र एक कांस्यसाथ इण्डोनेसिया तेस्रो भएका थिए । च्याम्पियनसिपमा नेपालकी अमृता तामाङले फेयर प्लेको अवार्ड पाउनुभयो भने उज्वेकिस्तानका मास्रपोभ ओमिदिल्लोल पुरुषतर्फ र भारतकी वातन्पाई महिलातर्फ उत्कृष्ट खेलाडी घोषित हुनुभयो ।
यसैगरी हिमालयन अन्तर्राष्ट्रिय खुल्ला सभात च्याम्पियनसिपतर्फ न्युजिल्याण्डका ५८ वर्षीय बार्नी भ्याकी र ५४ वर्षीय फ्रान्सिस भेसेतुलुले भेट्रान्स एक्सिलेन्स अवार्ड प्राप्त गरेको अध्यक्ष बस्नेतले जानकारी दिनुभयो । राष्ट्रिय खेलकुद परिषद्का सदस्य-सचिव रामचरित्र मेहता, फ्रान्सबाट आउनुभएका अन्तर्राष्ट्रिय सभात महासंघका उपाध्यक्ष जिल दुइगूले प्रतियोगिताको उद्घाटन गर्नुभएको थियो भने नेपाल सभात संघका अध्यक्ष लक्ष्मण बस्नेतले स्वागत मन्तव्य दिनुभएको थियो ।
ADVERTISEMENT
प्रतियोगितामा एसियाका विभिन्न नौ देशका करिब तीन सय खेलाडी सहभागी थिए भने अन्तिम समयमा विविध कारणले गर्दा थाइल्याण्ड, इरान, बंगलादेश र जापानका खेलाडी आउन नसकेको आयोजकले जनाएको छ ।
प्रतियोगिताको अन्तिम दिन विजेता खेलाडीहरूलाई पूर्व राज्यमन्त्री विराज विष्ट, अन्तर्राष्ट्रिय सभात संघका उपाध्यक्ष जिल दुइगु, नेपाल सभात संघका अध्यक्ष लक्ष्मण बस्नेत, नेपाल सभात संघका महासचिव सिद्धि व्यञ्जनकारलगायतले मेडल, ट्रफी र प्रमाणपत्र प्रदान गर्नुभएको थियो ।
समापन समारोहमा अन्तर्राष्ट्रिय सभात महासंघका अध्यक्ष दुइगूले नेपालले सफल रूपमा प्रतियोगिता आयोजना गरेर आफूलगायत सम्पूर्ण सहभागी राष्ट्रको विश्वास जितेको र भविष्यमा विश्वस्तरका अन्य प्रतियोगिताहरूसमेत आयोजना गर्न नेपाल सक्षम रहेको सन्देश विश्वसामु दिएको बताउनुभयो ।
यस्तै, नेपाल सभात संघका अध्यक्ष लक्ष्मण बस्नेतले प्रतियोगितामा सहभागी सम्पूर्ण खेलाडीहरूले उत्कृष्ट रूपमा आफ्नो खेलकौशल प्रस्तुत गरेको र प्रतियोगिता सम्पन्न गर्न सहयोग गर्ने सबैलाई धन्यवाद दिनुभयो । यसैबीच आठौं एसियन सभात च्याम्पियनसिप आयोजनाका लागि इण्डोनेसियाले प्रस्ताव गरेको पनि बस्नेतले जानकारी दिनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
नाती मेरो साथी
राजनीतिक नेतृत्व अभिभावक बन्ने कि