काठमाडौं । राष्ट्रिय लोक सञ्चारकर्मी नेपालले नेपाली लोककला, संस्कृति तथा दोहोरी गीतको क्षेत्रमा पछिल्लो समय अश्लीलता र विकृति बढ्दै गएको भन्दै गम्भीर चिन्ता व्यक्त गरेको छ । संस्थाले सामाजिक मर्यादा र सांस्कृतिक मूल्यविरुद्धका सामग्री तथा प्रस्तुति नियन्त्रण गर्न सरकारसँग माग गरेको छ ।
संस्थाका अध्यक्ष चन्द्रमणि गौतमको अध्यक्षतामा बसेको बैठकले डिजिटल माध्यम तथा मेला-महोत्सवहरूमा प्रस्तुत गरिने कतिपय सामग्रीले नेपाली लोक संस्कृतिको मौलिकता, गरिमा र सभ्यतालाई कमजोर बनाएको निष्कर्ष निकालेको जनाएको छ ।
बैठकपछि जारी विज्ञप्तिमा सामाजिक मर्यादामा खलल पुर्याउने कलाकार र सामग्रीमाथि प्रचलित कानुनअनुसार कारबाही गर्न सम्बन्धित निकायसँग माग गरिएको छ । संस्थाले पछिल्लो समय सार्वजनिक भएका केही दोहोरी प्रस्तुति र सांस्कृतिक कार्यक्रमलाई उदाहरणका रूपमा उल्लेख गर्दै ती सामग्रीमाथि छानबिन गर्न आग्रह गरेको छ । प्रकाश अधिकारीको युट्युब च्यानलमार्फत सार्वजनिक गरिएको एक दोहोरी गीतमा प्रकाश अधिकारी र कोपिला छिनालले प्रयोग गरेका शब्द, हाउभाउ र प्रस्तुति दोहोरीको मर्म, संस्कार र सभ्यताविपरीत रहेको संस्थाको ठहर छ । विज्ञप्तिमा उक्त सामग्री सस्तो लोकप्रियता र आम्दानीमुखी उद्देश्यले तयार गरिएको आरोपसमेत लगाइएको छ ।
त्यसैगरी, गुल्मीमा आयोजित एक महोत्सवमा गायिका ज्योति मगरले प्रस्तुत गरेको स्टेज प्रदर्शन सामाजिक मर्यादाविपरीत रहेको जनाउँदै संस्थाले आपत्ति जनाएको छ । एक धार्मिक स्थलमा मोडल रिया खड्काले गरेको नृत्य प्रस्तुति पनि धार्मिक तथा सांस्कृतिक आस्थामाथि चोट पुर्याउने खालको रहेको संस्थाको भनाइ छ ।
राष्ट्रिय लोक सञ्चारकर्मी नेपालले यस्ता गतिविधिमा संलग्न कलाकार तथा सम्बन्धित पक्षमाथि कानुनी कारबाही गर्न माग गर्दै विज्ञप्तिको बोधार्थ गृहमन्त्रालय, संस्कृति, पर्यटन तथा नागरिक उड्डयन मन्त्रालय तथा साइबर ब्युरोलाई पठाएको जनाएको छ । संस्थाका सचिव कमल सरगमद्वारा जारी विज्ञप्तिमा सम्पूर्ण लोक तथा दोहोरी कलाकार, सर्जक र प्रस्तोताहरूलाई सामाजिक उत्तरदायित्वबोधसहित सिर्जनामा मर्यादा कायम गर्न आग्रह गरिएको छ ।
विज्ञप्तिमा भनिएको छ, ‘लोकसंस्कृति नेपाली समाजको पहिचान र गौरव हो । यसलाई संरक्षण गर्दै स्वस्थ, सभ्य र सुसंस्कृत सामग्री मात्र सार्वजनिक गर्न सम्पूर्ण कलाकार तथा सर्जकहरू जिम्मेवार बन्नुपर्छ ।’
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
राज्यको धरपकडले निजी क्षेत्र त्रसित
ड्युटीमै रहेका प्रहरी सहायक निरीक्षक
संसद बैठकमा प्रधानमन्त्री बालेन्द्र साह
वरिष्ठ चिकित्सक उपाध्यायको निधन
विश्व रोबोटिक्समा नेपाली चेलीको ऐतिहासिक
कर्णाली : संघर्ष, सम्भावना र