काठमाडौं । विश्व प्रतिष्ठित कान्स फिल्म फेष्टिभलमा २० मे (७ जेठ)मा प्रिमियर हुन लागेको नेपाली चलचित्र ‘एलिफेन्ट्स इन द फग’को ट्रेलर सार्वजनिक गरिएको छ । युट्युबमार्फत सार्वजनिक एक मिनेट ४४ सेकेण्ड लम्बाइको ट्रेलरले चलचित्रको कथावस्तुबारे प्रकाश पारेको छ । यो चलचित्र कान्सको ‘अन सर्टेन रिगार्ड’ विधामा प्रिमियर हुँदैछ ।
जंगलमा हराएकी छोरी खोज्न एक आमाले गरेको प्रयास र त्यसमा आउने अवरोधलाई ट्रेलरमा देखाइएको छ । वनको बीचमा रहेको एउटा गाउँमा जंगली हात्तीले मच्चाएको विध्वंश र हात्ती भगाउन गाउँहरूले गरेको प्रयासलाई पनि ट्रेलरले चित्रण गरेको छ । साथै, किन्नर समुदायप्रति समाजले गर्ने व्यवहारलाई पनि चलचित्रले देखाउने ट्रेलरले संकेत गर्छ ।
यस चलचित्रको केही दिनअघि अन्तर्राष्ट्रिय प्रदर्शनका लागि पहिलो वितरण सम्झौता भइसकेको छ । चलचित्रको अन्तर्राष्ट्रिय बिक्री अधिकार ‘बेष्ट फ्रेन्ड फरेभर’ले लिएको हो । नेपालमा ‘द टी फोक्स फिल्म्स’ले वितरण गर्ने यस चलचित्रलाई फ्रान्समा ‘अरिजोना डिस्ट्रीब्युसन’ र ‘ले भाल्सेउर डिस्ट्रिब्युसन’, जर्मनी र अस्ट्रियामा ‘मिसिङ फिल्म्स’ र ब्राजिलमा ‘इमोभिजन’ले प्रदर्शन गर्नेछन् ।
निर्देशक अविनाशविक्रम शाहको यो पहिलो फिचर फिल्म हो । उहाँ निर्देशित लघुचलचित्र ‘लोरी’ले सन् २०२२ मा कान्स फिल्म फेस्टिभलको सर्ट फिल्म प्रतिस्पर्धामा ‘स्पेशल मेन्सन’ अवार्ड प्राप्त गरेको थियो । उहाँले यसअघि चलचित्र ‘शाम्बाला’को पटकथा सहलेखनसमेत गर्नुभएको थियो । उहाँ ‘एलिफेन्ट्स इन द फग’लाई यसै वर्ष नेपालमा प्रदर्शन गर्ने योजनामा हुनुहुन्छ ।
अनुप पौडेल, कुमुदिनी गुरुङ श्रेष्ठ, सोहम ढकाल, प्रचण्डमान श्रेष्ठलगायत निर्माता रहेको यस चलचित्रमा गौरी मल्ल, माओत्से गुरुङ, पुष्पा थिङ, दिपीका यादव, जस्मिन विश्वकर्मा, एलिज घिमिरे, जोएल गुरुङ, उमेश पाण्डे, शान्ति गिरी, सञ्जय गुप्ता दुरा, महिमा नवबाग, आशान्त शर्मालगायत कलाकारहरूको अभिनय छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
निजामती सेवामा व्यापक पुनःसंरचनाको तयारी
ठेक्का प्रक्रियामा अनियमितता : प्रतिस्पर्धीलाई
धान बालीमा कृषि यान्त्रीकरण :
फिफा विश्वकप २०२६ हेर्न डिशहोमको
भेडा-भेडासँग बाख्रा-बाख्रासँग
मध्यपूर्वको अवस्था सहज भएसँगै पेट्रोलियम