काठमाडौं । भारतमा यही मे २५ देखि हुने साफ महिला च्याम्पियनसिप खेल्ने नेपाली टोली घोषणा गरिएको छ । शनिबार नेपाली राष्ट्रिय महिला फुटबल टिमका मुख्य प्रशिक्षक नवीन न्यौपानेले कप्तान एञ्जिला तुम्पाबो सुब्बाको कप्तानीमा २३ सदस्यीय राष्ट्रिय टोली घोषणा गर्नुभएको हो ।
टिममा एञ्जिलाले कप्तानीमा पुनरागमन गर्नुभएको छ । यसअघि फरवार्ड सावित्रा भण्डारी कप्तान हुनुहुन्थ्यो । मिडफिल्डर अनिता लम्जेल नयाँ अनुहार हुनुहुन्छ । प्रतियोगितामा नेपाल समूह ‘ए’ मा छ ।
समूहमा नेपालसँगै श्रीलंका र भुटान छन् । त्यसैगरी, समूह ‘बी’ मा भारत, बंगलादेश र माल्दिभ्स छन् । प्रतियोगिता भारतमा यही मे २५ देखि जुन ६ सम्म हुनेछ । प्रतियोगिताका सम्पूर्ण खेल भारतको गोवामा हुनेछन् ।
हालसम्म प्रतियोगिताका सात संस्करण सम्पन्न हुँदा नेपालले ६ पटक फाइनल खेलेको छ । नेपालले सन् २०१६ को संस्करणमा मात्रै फाइनल यात्रा तय गर्न सकेको थिएन । त्यो संस्करणको सेमिफाइनलमा नेपाल भारतसँग स्तब्ध बनेको थियो ।
नेपाल सन् २०१०, २०१२, २०१४ र २०१९ को फाइनलमा भारतसँग पराजित भएको थियो । सन् २०२२ र २०२४ को पछिल्ला दुई संस्करणको फाइनलमा नेपाललाई बंगलादेशले स्तब्ध बनाएको थियो ।
नेपाली टोलीमा एञ्जिला तुम्बापो सुब्बा, अञ्जना राना मगर, उषा नाथ, पूजा राना, गीता राना, विमला बिक, हिराकुमारी भुजेल, प्रतीक्षा चौधरी, समीक्षा घिमिरे, निशा ठोकर, सविना चौधरी, रेनुका नगरकोटी, दीपा साही, प्रीति राई, सरु लिम्बू, बिर्सना चौधरी, अनिता बस्नेत, अनिता लम्जेल, अनिता केसी, रश्मी घिसिङ, रेखा पौडेल, पूर्णिमा राई र मिना देउवा रहनुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
राज्यको धरपकडले निजी क्षेत्र त्रसित
ड्युटीमै रहेका प्रहरी सहायक निरीक्षक
संसद बैठकमा प्रधानमन्त्री बालेन्द्र साह
वरिष्ठ चिकित्सक उपाध्यायको निधन
विश्व रोबोटिक्समा नेपाली चेलीको ऐतिहासिक
कर्णाली : संघर्ष, सम्भावना र