काठमाडौं । वाणिज्य बैंकहरूले जेठ महिनाका लागि ब्याजदर थप घटाएका छन् । सञ्चालनमा रहेका २० वाणिज्य बैंकले सार्वजनिक गरेको ब्याजदरअनुसार वैशाखको तुलनामा जेठमा निक्षेपको ब्याजदर घटेको छ । बैंकहरूले व्यक्तिगत मुद्दतीमा अधिकतम ब्याजदर ४.७५ प्रतिशत दिने भएका छन् । वैशाखमा औसत ब्याजदर ४.४ प्रतिशत रहेकोमा जेठमा यस्तो औसत ब्याजदर ४.३ प्रतिशत छ ।
बैंकिङ प्रणालीमा बढ्दो अधिक तरलताको समस्याका कारण ब्याजदर घटाउन बैंकहरू बाध्य भएका हुन् । अहिले प्रणालीमा ११ खर्बभन्दा बढी लगानीयोग्य रकम थुप्रिएको छ ।
जेठ महिनाका लागि १२ बैंकले व्यक्तिगत निक्षेपमा दिने अधिकतम ब्याजदर स्थिर राखेका छन् । सिद्धार्थ बैंकले भने ब्याजदर बढाएको छ । सिद्धार्थले चार प्रतिशतबाट बढाएर ब्याजदर ४.०५ प्रतिशत दिने भएको छ । ६ बैंकले भने ब्याजदर झनै घटाएका छन् । जेठ महिनामा मुद्दतीमा सबैभन्दा धेरै ब्याज राष्ट्रिय वाणिज्य बैंकबाट पाइनेछ । यो बैंकले ४.७५ प्रतिशत ब्याज दिनेछ भने कुमारी बैंकबाट सबैभन्दा कम ३.९६ प्रतिशतमात्रै ब्याजदर पाइनेछ ।
बैंकहरूले रेमिटेन्स खातामा भने व्यक्तिगत मुद्दती खातामा भन्दा एक प्रतिशत बढी ब्याज दिँदै आएका छन् । एनएमबी बैंकले जेठका लागि ब्याजदर वैशाखको तुलनामा ०.२० प्रतिशत बिन्दुले घटाएर ४.८ प्रतिशत दिने भएको छ । वैशाखमा एनएमबीले व्यक्तिगत मुद्दती निक्षेपमा अधिकतम पाँच प्रतिशत ब्याजदर दिएको थियो । वैशाखको तुलनामा जेठमा ब्याजदर घटाएका बैंकमा एनएमबी, एनआइसी एसिया, हिमालयन, कुमारी, सिटिजन्स, स्ट्याण्डर्ड चार्टर्ड र कुमारी छन् ।
त्यस्तै, स्थिर राखेकामा राष्ट्रिय वाणिज्य, प्रभु, नबिल, ग्लोबल आइएमई, माछापुच्छ्रे, सानिमा, नेपाल इन्भेस्टमेन्ट मेगा, लक्ष्मी सनराइज, नेपाल बैंक, नेपाल एसबिआई, प्राइम कमर्सियल र कृषि विकास र एभरेष्ट बैंक छन् । बैंकिङ प्रणालीमा बढ्दो अधिक तरलताको समस्याका कारण ब्याजदर घटाउन बैंकहरू बाध्य भएका हुन् । अहिले प्रणालीमा ११ खर्बभन्दा बढी लगानीयोग्य रकम थुप्रिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
राज्यको धरपकडले निजी क्षेत्र त्रसित
ड्युटीमै रहेका प्रहरी सहायक निरीक्षक
संसद बैठकमा प्रधानमन्त्री बालेन्द्र साह
वरिष्ठ चिकित्सक उपाध्यायको निधन
विश्व रोबोटिक्समा नेपाली चेलीको ऐतिहासिक
कर्णाली : संघर्ष, सम्भावना र