बार्सिलोना । स्पेनिस ला लिगा च्याम्पियन बार्सिलोनाले सिजनको आफ्नो अन्तिम घरेलु खेलमा रियल बेटिसलाई ३-१ ले पाखा लगाउँदै घरेलु मैदानमा शतप्रतिशत जितको कीर्तिमान कायम गरेको छ । यो जितसँगै प्रशिक्षक हान्सी फ्लिकको टोली ३८ खेलको ला लिगा सिजनअन्तर्गत आफ्ना सबै १९ वटा घरेलु खेल जित्ने ऐतिहासिक टोली बनेको हो ।
सन् १९८५-८६ मा रियल म्याड्रिडले १७ खेल जित्दै बनाएको कीर्तिमानपछि बार्सिलोना यो सफलता पाउने पहिलो टोली बन्यो । एस्टाडी जोहान क्रुइफ, बार्सिलोना ओलम्पिक स्टेडियम र नयाँ मर्मत गरिएको क्याम्प नोउ गरी तीनवटा रंगशाला प्रयोग गरेको बार्सिलोनाले यस सिजन घरेलु मैदानमा भएका दुई हार केवल च्याम्पियन्स लिगमा मात्र बेहोरेको थियो । ३७ खेलबाट ९४ अंक जोडेको बार्सिलोना शीर्ष स्थानमा छ भने पराजित बेटिस ५७ अंकसहित पाँचौँ स्थानमा छ । राती नै भएको अर्को खेलमा केलियन एम्बाप्पेले निर्णायक गोल गरेपछि रियल म्याड्रिडले सेभियालाई १-० ले हराउँदै ८३ अंकका साथ दोस्रो स्थान सुरक्षित गरेको छ ।
रियल बेटिसविरुद्धको खेलमा बार्सिलोनाका राफिन्हाले २८औँ र ६२औँ मिनेटमा दुई गोल गर्नुभयो भने डिफेन्डर जोआँ क्यान्सेलोले २० यार्ड टाढाबाट एक गोल थप्नुभयो । बेटिसका लागि इस्कोले पेनाल्टीमार्फत् एक सान्त्वना गोल फर्काउनुभयो । यो खेल पोल्याण्डका दिग्गज स्ट्राइकर रोबर्ट लेवान्डोस्कीका लागि क्याम्प नोउमा अन्तिम खेल बन्यो । चार सिजनमा १९२ खेल खेल्दै ११९ गोल गर्नुभएका ३७ वर्षीय लेवान्डोस्कीले क्लबसँगको सम्झौता सकिएपछि यसै समरमा बार्सिलोना छाड्ने निर्णय गर्नुभएको हो ।
खेलको अन्तिम चरणमा उहाँलाई प्रतिस्थापन गर्दा र खेल सकिएपछि टोलीका खेलाडीहरूले उहाँलाई काँधमा उठाएर तथा ड्रेसिङ रुममा ताली बजाउँदै गार्ड अफ अनर दिएका थिए । भावुक बन्नुभएका लेवान्डोस्कीले बार्सिलोना सधैँ आफ्नो हृदयमा रहने भन्दै समर्थकहरूलाई धन्यवाद दिनुभयो । उहाँ अब कुन क्लबमा जाने भन्ने खुलाइएको छैन । एजेन्सी
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर