काठमाडौं । एसएस ग्रुप अफ कम्पनीका प्रबन्ध निर्देशक राजीव जैनले नेपालको प्रसिद्ध ट्रेकिङ शिखर ‘मेरा पिक’ सफलतापूर्वक आरोहण गर्नुभएको छ । उहाँले ११ वैशाखमा समुद्री सतहबाट ६ हजार ४७६ मिटर उचाइमा रहेको मेरा पिकको शिखरमा पुगेर आरोहण सम्पन्न गर्नुभएको हो ।
सोलुखुम्बु जिल्लास्थित एभरेस्ट क्षेत्रको महालंगुर हिमशृंखलामा पर्ने मेरा पिक विश्वका चर्चित तथा लोकप्रिय ट्रेकिङ शिखरमध्ये एक मानिन्छ । हिमाल आरोहणका लागि अनुकूल भू-दृश्य, आकर्षक हिमशृंखला र साहसिक यात्राको अनुभवका कारण यो शिखर विदेशी तथा स्वदेशी पर्यटकको रोजाइमा पर्ने गरेको छ ।
५० वर्षीय जैनले अनुभवी पर्वतीय मार्गदर्शक तथा ‘लामा वाक्स’का प्रमुख राजेश लामाको नेतृत्वमा आरोहण सम्पन्न गर्नुभएको हो । चुनौतीपूर्ण मौसम र हिमाली भूगोलका बीच गरिएको यो आरोहण सफलतापूर्वक सम्पन्न भएपछि उहाँले आफू अत्यन्त उत्साहित भएको प्रतिक्रिया दिनुभएको छ ।
आरोहणपछि जैनले नेपालको हिमाली पर्यटन विश्वमै अद्वितीय रहेको उल्लेख गर्दै यस्ता अभियानले नेपालको पर्यटन प्रवर्द्धनमा महत्त्वपूर्ण योगदान पुग्ने बताउनुभयो । उहाँका अनुसार यो यात्रा केवल व्यक्तिगत साहस र उपलब्धिमा सीमित नभई नेपालको प्राकृतिक सौन्दर्य, साहसिक पर्यटन तथा पर्वतारोहण सम्भावनालाई अन्तर्राष्ट्रियस्तरमा थप चिनाउने अवसरसमेत बनेको छ ।
उहाँले नेपाललाई विश्वकै उत्कृष्ट ट्रेकिङ तथा पर्वतारोहण गन्तव्यका रूपमा स्थापित गर्न निजी क्षेत्र, पर्यटन व्यवसायी र राज्य पक्षबीच थप सहकार्य आवश्यक रहेको धारणा पनि व्यक्त गर्नुभयो ।
पर्यटन व्यवसायीहरूका अनुसार पछिल्ला वर्षहरूमा मेरा पिकलगायतका ट्रेकिङ शिखरमा आन्तरिक तथा बाह्य पर्यटकको आकर्षण बढ्दै गएको छ । यसले हिमाली पर्यटनमार्फत् स्थानीय अर्थतन्त्र चलायमान बनाउन सहयोग पुगिरहेको विश्वास गरिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर