पूर्वमन्त्री राजकुमार गुप्तालाई धरौटीमा रिहा गर्न सर्वोच्च अदालतको आदेश

हिमालय टाइम्स

Tuesday May 19, 2026

हिमालय टाइम्स

Tuesday May 19, 2026

Read Time = 3 mins

डिजिटल संस्करण

समाचार

A A- A+

काठमाडौँ । पोखरा लिचिबारी भ्रष्टाचार प्रकरणमा थुनामा रहेका पूर्वमन्त्री राजकुमार गुप्तालाई सर्वोच्च अदालतले धरौटीमा रिहा गर्न आदेश दिएको छ ।

यसअघि विशेष अदालत ले उहाँलाई पुर्पक्षका लागि थुनामा पठाउने आदेश दिएको थियो । मंगलबार न्यायाधीशद्वय शारङ्गा सुवेदी र सुनिलकुमार पोखरेलको इजलासले उक्त आदेश बदर गर्दै धरौटीमा रिहा गर्न आदेश जारी गरेको हो ।

सर्वोच्च अदालत प्रशासनले वेबसाइटमार्फत थुनामा पठाउने आदेश बदर भएको तथा धरौटी माग गर्ने आदेश जारी भएको जानकारी दिएको छ । यद्यपि विस्तृत लिखित आदेश भने आउन बाँकी रहेको जनाइएको छ ।

विशेष अदालतले १६ पुसमा दिएको आदेशमा गुप्ताको दाबीभन्दा मुद्दासँग सम्बन्धित अन्य प्रमाणहरू विश्वसनीय देखिएको भन्दै उहाँलाई थुनामा पठाउने निर्णय गरेको थियो ।

भ्रष्टाचार मुद्दामा पूर्वमन्त्री रञ्जिता श्रेष्ठ र गुप्तामाथि कास्कीका तत्कालीन प्रमुख मालपोत अधिकृत रामचन्द्र अधिकारी लाई कास्कीमै कायम राख्न ५३ लाख रुपैयाँ घुस लिएको आरोप लागेको थियो ।